
ROJEVA 22’YÊ ÇILEYA 2025’AN 

2025-01-22 09:00:17


	&nbsp;

	* Ji rêveberên Baroya Amedê Baver Mizrak diyar kir ku di êrişên li derdora Bendava Tişrînê de mafê jiyanê yê sivîlan hatiye binpêkirin û got: "Divê êriş demildest bên rawestandin."

	&nbsp;

	* Xizmên windayan Îffet Mutaş û Remziye Bayramê diyar kirin ku ger li welêt aştî pêk were divê dewlet û desthilat gav bavêjin û wiha gotin: “Heta ku pirsgirêk neyên çareserkirin aştî pêk nayê. Em weke xizmên windayan cenazeyên xizmên xwe dixwazin."

	&nbsp;

	* Xizmên girtiyan gengeşeyên "çareseriyê" yên piştî hevdîtina bi Rêberê PKK'ê Abdullah Ocalan re dest pê kirin nirxandin û gotin: "Divê li dor maseyê rûnin û behsa aştiyê bikin."

	&nbsp;

	* Yek ji kesên ku ji bo hevdîtinê bi Rêberê PKK'ê Abdullah Ocalan re bike û ji bo vê serî li Wezareta Dadê dabû endama Partiya Komunîst a Fransayê Raphaëlle Primet got: "Birêz Ocalan ji bo çareseriya siyasî û demokratîk a pirsgirêka Kurdistanê şexsiyeteke bêhempa ye."

	&nbsp;

	* Rojnameger Azîz Koyluoglû diyar kir ku hêzên navneteweyî û yên herêmî hewl didin li Herêma Federe ya Kurdistanê hikûmeteke nêzî xwe bidin avakirin û ji bo vê zextê dikin. Koyluoglû, got ku di hevdîtinên navbera PDK û YNK’ê de li ser 2 kesan tê rawestîn.&nbsp;

	&nbsp;

	* Rojnameger Încî Hekîmoglû û Rûken Tuncel bertek nîşanî bêdengiya rojnameger û rêxistinên pîşeyî ya li hemberî êrişên ser Çapemeniya Azad dan û gotin: "Ji bilî çendek îstîsnayan, çapemeniya Tirk muxalîf nîne." &nbsp;

	&nbsp;

	* Nameyên Ferhat Onkol ku li Girtîgeha bi Ewlekariya Bilind a Ereglî ya Konyayê tê ragirtin û têkildarî binpêkirinan nivîsandibûn, weke "xerakirina yekitî û yekparetiya dewletê" hatin nirxandin. &nbsp;

	&nbsp;

	* Komîsyona Şaxa ÎHD’a Stenbolê dê rapora xwe ya têkildarî binpêkirinên li girtîgehên Herêma Marmarayê li avahiya şaxê eşkere bike. (12.00)

	&nbsp;

	* Şaxa ÎHD’a Enqereyê dê ji bo Rojîn Kabaîşê li avahiya komeleyê daxuyaniyê bide. (12.00)

	&nbsp;

	* Çalakiya nobetê ya li dijî tayînkirina qeyûm li pêşiya Şaredariya Akdenîzê hatiye destpêkirin dê îro jî bidome. (13.00) ZINDÎ

	&nbsp;

	* Platforma Ked û Demokrasiyê ya Mêrdînê dê têkildarî êrişên ser Bendava Tişrînê û qetilkirina sivîlan li Parka Karayollariyê daxuyaniyê bide. (17.00)

	&nbsp;