
Tevî agirbestê jî êrişên dewleta tirk didomin

2025-04-29 12:44:22


	&nbsp;

	NAVENDA NÛÇEYAN - HPG’ê bi daxuyaniyekê ragihand ku êrişên dewleta tirk ên li dijî hêzên wan berdewam in. HPG’ê da zanîn ku dewleta tirk di nava sê rojan de 748 caran êriş kir.&nbsp;

	&nbsp;

	Tevî biryara agirbestê ya PKK’ê jî êrişên dewleta tirk ên li dijî Herêma Federe ya Kurdistanê bênavber didomin. Li gorî nûçeya ANF’ê; HPG’ê bi daxuyaniyeke nivîskî ragihand ku dewleta tirk di 26,27 û 28’ê Nîsanê de bi sedan caran êrişî hêzên wan kiriye.&nbsp;

	&nbsp;

	HPG’ê, diyar kir ku dewleta tirk di 26 û 27’ê Nîsanê de li Herêma Şehîd Delîl a Rojavayê Zapê Qada Berxwedanê ya Girê Baharê du caran bi balafirên şer bombebaran kiriye. Bi domdarî HPG’ê diyar kir ku dewleta tirk di 26, 27 û 28’ê Nîsanê de li Herêma Xakurkê Qadên Berxwedanê yên Berê Zînê, Lolanê 8 caran, li Herêma Garê qadên Girê Kun û Mijê 43 caran, li Herêma Metînayê Bêşîlî, Şêlazê, Serê Metîna 490 caran, li Herêma Şehîd Delîl a Rojavayê Zapê Qadên Berxwedanê yên Girê Amediyê, Girê Baharê 205 caran û bi giştî 746 caran bi çekên giran, top û obusan topbaran kiriye.&nbsp;

	&nbsp;

	Bi berdewamî HPG’ê ragihand ku hêzên wan di 26'ê Nîsanê de hêzên wan ên YJA Starê li Herêma Şehîd Delîl a Rojavayê Zapê li Qada Berxwedanê ya Biharê li dijî artêşa tirk destwerdan kiriye. Her wiha hate gotin ku di 27'ê Nîsanê de jî li Herêma Şehîd Delîl a Rojavayê Zapê li Qada Berxwedanê ya Girê Amediyê, wesayiteke zirxî ya artêşa tirk a ku di pozîsyona êrişê de bû ji aliyê yekîneya wan a Şehîd Axîn Mûş ve bi droneyeke kamîkaze hatiye îmhakirin.

	&nbsp;