
Koçberên Şengalî li dijî biryara wezaretê daketin qadan 

2025-08-25 11:55:59


	NAVENDA NÛÇEYAN - Welatiyên Şengalî yên li kampên Dihok û Zaxoyê li dijî biryara Wezareta Koç û Koçberan a Iraqê ya “entegrekirinê” daketin qadan û biryar şermezar kirin.&nbsp;

	&nbsp;

	Wezareta Koç û Koçberan a Iraqê di roja pêncşemê de biryarek da ku kesên li kampên penaberan dimînin êdî wekî penaber nayên hesibandin. Li gorî biryarê, ew koçber êdî wekî niştecih û beşek ji xelkê wan deveran tên qebûlkirin ku lê bimînin.

	&nbsp;

	ARMANC GUHERANDINA DEMOGRAFYAYA ŞENGALÊ YE

	&nbsp;

	Biryara wezaretê, di nava civaka Êzidî de rê li ber bertekan vekir. Civaka Êzidî dibêje ku armanca biryarê ew e ku demografyaya Şengalê were guherandin û pêşî li vegera li Şengalê were girtin. Rêveberiya Xweser a Şengalê jî ev biryar wekî biryareke siyasî û bi tu awayî nayê qebûlkirin bi nav kir.

	&nbsp;

	BIRYAR HAT ŞERMEZARKIRIN

	&nbsp;

	Welatiyên Şengalê yên li Kampa Çem Mişko ya Zaxoyê ku di bin zextên PDK’ê de dijîn, li hemberî helwesta “entegrekirinê” ya Wezareta Koç û Koçberan a Iraqê daketin qadan û çalakiyeke şermezarkirinê lidar xistin. Koçberan, daxwazên xwe bi pankaratan anîn ziman û bang li saziyên mafên mirovan kirin ku di zûtirîn demê de destwerdanê bikin.

	&nbsp;

	Hêjayî bibîrxistinê ye ku tenê li Kampa Çem Mişko zêdeyî 4 hezar û 300 malbat hene ku hejmara wan zêdetirî 21 hezar kes e.

	&nbsp;