
Li Amedê ji bo alîgirên îktîdarê îhaleya taybet

2025-09-09 11:25:39


	&nbsp;

	AMED - Wezareta Hawirdor, Bajarvanî û Guherîna Avhewayê, li Amedê 2 neguhêzbar da ber îhaleyê. Ji bo îhaleyê şertname hate amadekirin ku tenê kooperatîfa alîgiriya îktîdarê dike dikare tev li bibe.&nbsp;

	&nbsp;

	Wezareta Hawirdor, Bajarvanî û Guherîna Avhewayê, dê ji bo firotina 2 parselên (101 ada 22 parsel - 127 ada 1 parsel) li taxên Oglakli û Ovunduler ên navçeya Rezanê ya Amedê, di 10’ê Îlonê de îhaleyê bike. Îhale, dê li Hotêla Bîlkentê ya li navçeya Çankaya ya Enqereyê bê kirin.&nbsp;

	&nbsp;

	Li gorî Şertnameya Muzayedeyê ya li ser malpera Rêveberiya Milkê hatiye weşandin, beşeke mezin a parselan ji Qadên Pîşesaziya Biçûk pêk tê. Beşên din jî weke Qada Bazirganiyê û Tesîsa Sotemeniyê cih digire.&nbsp;

	&nbsp;

	Bihayê temînata parselan weke 50 milyon TL, &nbsp;bihayê texmînkirî jî weke milyarek û 361 milyon û 850 hezar û 591 TL hate diyarkirin. Di şertnameyê de hate gotin ku ev neguhêzbar dê weke yek par bên firotin.&nbsp;

	&nbsp;

	JI BO ALÎGIRAN ÎHALEYA TAYBET&nbsp;

	&nbsp;

	Di şertnameyê de xaleke din a balkêş heye. Ew xal jî ev e: “Tenê kooperatîfên ku herî kêm ji sedî 25’ê endamên wê xwedî Lîsansa Vebêrderên Beşdar a ji hêla Wezareta Xizîne û Darayî ve hatiye dayin hene dikarin teklîfê bikin.”&nbsp;

	&nbsp;

	Li gorî agahiyên hatine bidestxistin, li Amedê tekane kooperatîfek heye ku bikare vê xalê cîbicî bike. Ew jî Kooperatîfa Avadaniya Pîşesaziya Têkel a Dîsîderê ya Berpirsyara Bisînor e.&nbsp;

	&nbsp;

	Kooperatîf, girêdayî Komeleya Pîşesaz û Kar (DÎSÎDER) e ku ev komele nêzî îktîdarê ye. Serokatiya Lijneya Rêveber jî Şeyhmûs Akbaş û berpirsyartiya wê jî Mesût Altun dike.&nbsp;

	&nbsp;

	Rêveberên komeleyê gelek caran bi Wekîlê AKP’ê yê Amedê û Serokê Komîsyona Hawirdorê ya Meclisê Galîp Ensarîoglû re tevdigerin û tev li bernameyên hevpar dibin.

	&nbsp;