ROJEVA 4'Ê MIJDARA 2025'AN 

2025-11-04 09:00:00


	* Taxa Xaçortê ku berê bi nasnameya xwe ya berxwedanê dihate nasîn, niha ji vê  nasnameyê bêpar tê hiştin û bûye navenda polîtîkayên şerê taybet. Çanda taxê ya ku bi tiryak, fihûş û bişaftinê ve tê guhertin,  tevna civakî ya taxê jî bi awayekî sîstematîk tê guhertin.

	* Nûnerên partiyên siyasî û rêxistinên civaka sivîl diyar kirin ku yekane gava berbiçav a ku desthilatê di vê pêvajoyê de avêtiye, komîsyona ku li meclisê hatiye avakirin e û gotin ku azadiya Rêberê Gelê Kurd Abdullah Ocalan û hemû girtiyên siyasî daxwaza wan a sereke ye.

	 

	* Zanyarê Siyasetê yê Zanîngeha Kafkasê Doç. Dr. Adem Çelîk got ku avakirina çandeke siyasî ya hevpar ku demokratîk be û cudahiyan nas bike ku careke din çek neaxivin, yek ji xalên girîng ên ji bo domdariya aştiyê ye.

	 

	* Welatiyên Dêrsimê diyar kirin ku ji bo pêvajo bi awayekî saxlem bimeşe divê komîsyon demildest bi Abdullah Ocalan re hevdîtinê bike û bang li dewletê kirin ku gavên berbiçav bavêje.

	 

	* Welatiyên Iraqê dê tevî fikarên xwe yên têkildarî ewlehî, şefafî û baweriyê biçin ser sindoqan. Rewşa parçebûyî ya partiyên Kurd destê wan zeîf dike. Li hêla din tê gotin ku hêzên navneteweyî û herêmî hewl didin şerekî nû li Iraqê derxînin.  

	 

	* Danişîna doza rojnamegerên ji ber protestokirina qetilkirina rojnameger Nazim Daştan û Cîhan Bîlgîn tên darizandin, dê li 24'emîn Dadgeha Cezayên Giran a Stenbolê bê lidarxistin. (11.30)

	 

	* Bi boneya salvegera operasyona siyasî ya 4'ê Mijdara 2016'an a li dijî siyasetmedarên HDP'î dê li gelek bajaran daxuyanî bên dayin. (12.00-14.00)

	 

	* Platforma Şiyar be dê li Semta Ofîsê ya Amedê li pêşiya kafeya ku bi sepanên şerê taybet di rojevê de ye daxuyaniyê bide û ji bo piştevaniya bi jinên hatine derbkirin re jî li pêşiya Mizgefta Nebî ya Deriyê Çiyê daxuyaniyê bide. (12.30) ZINDÎ

	 

	* Hevserokê Giştî yê DEM Partiyê Tuncer Bakirhan dê di civîna koma partiya xwe de li Meclisê biaxive. (12.45) ZINDΠ

	 

	* MED TUHAD-FED, OHD û Baroya Amedê dê têkildarî binpêkirinên li girtîgehan, li pêşiya Girtîgeha bi Ewlekariya Bilind a Erzînganê daxuyaniyê bide. (14.00)

	 

	* Komeleya Teqawidan dê li Wanê têkildarî Rojîn Kabaîşê daxuyaniyê bide. (14.00)