Ajansa Nûçeyan a Aktivîstên Mafên Mirovan (HRANA) tekildarî êrişên hevbeş ên Îsraîl û Amerîkayê yên li dijî rejîma Îranê û encamên wê yên 24 saetên borî parve kir. 

 

HRANA’yê, da zanîn ku di nava 24 saetan de Amerîka û Îsraîlê li dijî 51 baregehên leşkerî, navendên hêza besîc, baregehên Supaya Pasdaran, balafirxaneyên leşkerî û navendên polîsan ên li 23 parêzgehên rojhilatê Kurdistan û Îranê bi giştî 117 êriş pêk anîne. 

 

Her wiha hatiye diyarkirin di encama êrişan de li rojhilatê Kurdistan û Îranê 31 sivîlan jiyana xwe ji dest dane, 25 sivîl jî birîndar bûne. Hate gotin ku sivîl li bajarên Tehran, Kirmaşan, Urmiye, Belucistan, Îsfehan, Elborz, Îlam û Tewrêzê hatine qetilkirin.

 

Li gor heman agahiyan, ew ji bo piştrastkirina kuştin û birîndarbûna 926 kesan lêkolînê dikin.

 

Her wiha hate destnîşankirin ku ji destpêka êrişên Amerîka û Îsraîlê ve, li rojhilatê Kurdistan û Îranê hezar û 114 sivîl hatine kuştin ku ji wan 183 jê zarok in.