Danişîna 4’an a doza “Lihevkirina Bajar”, li 23’yemîn Dadgeha Cezayên Giran a Stenbolê hat lidarxistin. Cîgira Şaredarê Ataşehîrê Lîvan Gur, Cîgirê Şaredarê Kartalê Cemalettîn Yuksel, endamê Meclisda Şaredariya Şîşliyê Sînan Gokçe, endamê Meclisa Şaredariya Uskudarê Bulent Kaygun, endama Meclisa Şaredariya Fatîhê Guzîn Alparslan, endamê Meclisa Şaredariya Tuzlayê Hasan Ozdemîr, endamê Meclisa Şaredariya Beyoglûyê Tûrabî Şen, endama Meclisa Şaredariya Sancaktepeyê Elîf Gul, endamê Meclisa Şaredariya Adalarê Nesîmî Aday û xebatkara Şaredariya Beyoglûyê Îkbal Polat di dozê de bi îdiaya “endamtiya rêxistinê” tên darizandin. Nûnerên gelek partiyên siyasî jî doz şopand. 

 

Elîf Gul û Tûrabî Şen, piştî parastina xwe xwestin kêmasiyên di dosyayê de bên temamkirin. Parêzeran jî xwestin Elîf Gul û Tûrabî Şen negirtî bên darizandin. 

 

BIRYAR

 

Dadgehê, ji bo Elîf Gul û Tûrabî Şen bi şertê kontrola edlî biryara tehliyeyê da. 

 

Danişîna dozê, bi daxwaza temamkirina kêmasiyên di dosyayê de taloqî 21’ê Gulanê hate kirin.