Meclisa Kongreya Demokratîk a Gelan (HDK), Hêzên Ciwanên Şoreşger (Dev-Guç) û endamên Ciwanên Demokratîk ên Nû, ji bo Dîyar Koç ê ku di çalakiyên piştgiriya Rojava de li navçeya Nisêbînê ya Mêrdînê bi îdiaya “al daxistiye” hatibû îşkencekirin û binaçvkirin, li pêşberî Girtîgeha Sîncanê daxuyanî dan.

 

Di daxuyaniyê de pankartên “Dîyar Koç ne bi tenê ye, rûmeta mirov dê îşkenceyê têk bibe” hate hilgirtin Û bi domdarî dirûşmên “Bijî berxwedana Rojava”, “Kurdistan goristan e ji bo faşîstan”, “Bijî berxwedana zindanan” hatin berzkirin.

 

‘BERPIRSIYARIYA PÊŞÎLÊGIRTINA ÎŞKENCEYÊ NEHAT BICÎANÎN’

 

Endamê Melisa Ciwanan a HDK’ê Jiyan Bahadir li vir daxuyanî da û diyar kir ku Koç bêyî ku bê tedawîkirin hatiye girtin û berpirsiyariya pêşîlêgirtina îşkenceyê, lêpirsîn û cezakirina nehatine bicîanîn.

 

Bahadir anî ziman ku îdareya girtîgehê ji ber rewşa tendurstiya Koç ew qebûl nekiriye û ev tişt got: “Em hedefgirtin, tundî û sepanên dermirovî yên li dijî Koç hatine kirin qebûl nakin. Îşkence û sepana xirab tenê bi tundiya fîzîkî ve sînordar nîne, tundiya sîstematîk û derûnî jî di vê çarçoveyê de ye. Divê îdiayên îşkence û sepana xirab bên lêpirsînkirin û der heqê berpirsiyaran de lêpirsîn bên destpêkirin û mafê tenduristî û parastinê bê misogerkirin.”