Xwendekarekî li Dibistana Amadehî ya Pîşeyî û Teknîkê ya Ahmet Koyuncu ya navçeya Sêweregê ya Rihayê bi çekê êriş kir. Hat zanîn ku di encama êrişê de 4 mamoste, 10 xwendekar, polîsek û xebatkarê kantînê birîndar bûn. 

 

Hinek xwendekar dîl hatin girtin û li cihê bûyerê gelek polîs û komên tenduristiyê hatin sewqkirin. 

 

Hat zanîn ku êriş ji hêla xwendekarekî berê yê dibistanê ve hatiye kirin û piştre jî xwe kuştiye. 

 

DAXUYANIYA WALÎTIYÊ

 

Walîtiya Rihayê jî têkildarî bûyerê daxuyanî da. Walîtiyê, got ku 16 kes birîndar bûne, tu kesek nemiriye û birîndar rakirine nexweşxaneyan.