Wezareta Tenduristiyê ya Lubnanê ragihand ku di encama êrişên Îsraîlê yên li ser jîngehên li başûrê welêt de herî kêm 13 kesan jiyana xwe ji dest dane û 16 kes jî birîndar bûne. Li gorî daxuyaniya wezaretê, bajarokên Tifaha û Marûb hatine hedefgirtin. Di êrişa li ser Tifahayê de 9 kesan jiyana xwe ji dest dane û 13 kes jî birîndar bûne. Di encama êrişa li ser Marûbê de jî 4 kesan jiyana xwe ji dest dane û 3 kes jî birîndar bûne.

 

Her wiha hate aşkerakirin ku balafirên şer ên Îsraîlê bajarokên Mifêdûn, Şokîn, Qelîla, Biyût Seyad û Mecdelzunê yên li herêma Nebatiye û Siwerê bombebaran kirine.

 

Di gel ku li herêmê rageşî zêde dibe, tê ragihandin ku ji saetên sibehê ve ye li bajarokên Bint Cibêl, Xeyam, Şemi û Serafê di navbera Hizbullah û artêşa Îsraîlê de şer û pevçûnên dijwar rû didin. Hizbullahê jî daxuyaniyek da û da zanîn ku wê li dijî xalên leşkerî ên li herêmên Kiryat Şemona û Difîf ên li bakurê Îsraîlê bi moşekan êriş pêk anîne.