RIHA - Malbata Şenyaşar li ser hesabê xwe Twîtterê ev peyam belav kir: “Zîhniyeta ku xwe serdestî gel dibîne têk diçe. Li cihek ku edalet lê nebe, helalî jî nabe.”
Emîne Şenyaşar û lawê xwe Ferît Şenyaşar (Malbata Şenyaşar) di roja 765’emîn de Nobeda Edaletê li ber Edliyeya Rihayê didomîne. Malbat ji 9’ê Adara 2021’an ve çalakiya xwe berdewam dike.
Emîne Şenyaşar û Ferît Şenyaşar wek her roj ji mala xwe ya li Pirsûsê hatin ber Edliyeya Rihayê û li cihê her roj dest bi nobedê kirin.
Malbatê li ser hesabê xwe yê Twitterê ev peyam belav kir: “Di roja 765’emîn de têkoşîna me ya edaletê didomîne. Dayê li ber edliyeyê û em jî li gel Partiya Çepên Kesk li qadê têkoşîna xwe didomînin. Zîhniyeta ku xwe serdestî gel dibîne têk diçe. Li cihek ku edalet lê nebe, helalî jî nabe.”