* HDK, dê li dijî tecrîda li îmraliyê û polîtîkayên asîmlasiyonê gelek çalakiyan çandî li dar bixe. 

 

* Aktivîst Zarmîna Paryanî ku ji bo pêşî ceza li Talîbanê bê birîn 8 roj in di greva birçîbûnê de ye, wiha bertek nîşan da: "Gelê me bi qirkirinan re rû bi rû ye, lê cîhan piştgiriya Talîbanê dike." 

 

* Qeydên bi zaravayên kurmancî, soranî û kirmanckî yên Komeleya Lêkolînên Kurdî, dê di 14'ê Cotmehê de dest pê bikin. 

 

* Abdurrahîm Çetînkaya ku înfaza wî 9 caran hatiye taloqkirin, bal kişand ser bêhiqûqîtiyên li girtîgehan û got ku girtiyên nexweş bi mirinê re rû bi rû ne. 

 

* Parêzerê girtiyê nexweş Fevzî Arslan, Eyup Sabrî Tînaş bi lêv kir ku di rûviyên Arslan de pirsgirêk heye û got ku tevî bijîşkê girtîgehê ji bo rûviyên wî rapora korse nivîsiyê jî ji aliyê rêveberiya girtîgehê ve korse nayê dayîn û tedawiya wî tê astengkirin.  

 

*Kincên şewitî û perçe bûyî yên keça dayika Taybet Înan, Heznî Înan a ku di dema qedexeyên derketina derva ya Cizîrê de di jêrzemînan de hate qetilkirin, piştî 8 salan radestî malbata wê hatin kirin. 

 

* Konferansa Jinê ya Meclisa Jinan a Partiya Çepên Kesk ku dê du rojan berdewam bike, dê li Navenda Çanda û Perwerdehiyê ya Odeya Endezyarên Makînayê ya Enqereyê dest pê bike. (10.00)

* Danişîna doza Komkujiya 10’ê Cotmehê ya Gara Enqereyê dê li 4’êmîn Dadgeha Cezayê Giran a Enqereyê bê lidarxistin. (10.00)

* Danişîna Doza Kobanê dê li 22’yemîn Dadgeha Cezayê ya Enqereyê berdewam bike. (10.00)

* Platforma Parastin û Piştgiriya Bajêr a Amedê, wê li Odeya Mîmaran, der barê tevlikirina Baxçeyên Hewselê û Sûran a li Lîsteya Mîrateya Çandî ya di bin Xetereyê de ji aliyê UNESCO’yê ve civîneke çapemeniyê li dar bixe. (11.00)

* Çalakiya Nobeta Edaletê ya Malbata Şenyaşar a li ber Wezareta Dadê dê di roja 44’emîn de berdewam bike. (13.30)