Der barê Şaredariya Bajarê Mezin a Stenbolê (ÎBB), Şaredariya Beşîktaşê û Şaredariya Buyukçekmeceyê de bi îdiaya nelirêtiyê 4 lêpirsînên cuda hatin destpêkirin. Bi tevahî 38 kes hatibûn binçavkirin, piştî karên li emniyetê duh sewqî edliyeyê hatin kirin. Di çarçoveya lêpirsînê de destpêkê kesek hat girtin, kesek jî ji ber pirsgirêkên tenduristiyê hat berdan.

 

Îfadeya 36 kesan ji aliyê 14 dozgeran ve hat girtin. Şaredarê Buyukçekmeceyê Hasan Akgul, Şaredarê Gazîosmanpaşayê Hakan Bahçetepe, Şaredarê Avcilarê Utku Caner Çaykara, Şaredarê Ceyhanê Kadîr Aydar, Şaredarê Seyhanê Oya Tekîn û hevjînê wê Celal Tekîn, Alîkarê Şaredarê Buyukçekmeceyê Omer Kazanci, Parlamenterê CHP'ê yê berê Aykut Erdogdu, endamê PM'ê yê CHP'ê Bakî Aydoner, Serokê Giştî yê Agaç Peyzaj AŞ'ê  Alî Sukas, Serokê Giştî yê ÎSFALT'ê Burak Korzay, şêwirmendê Şaredarê Beylikduzuyê Veysel Erçevîk, Alîkarê Şaredarê Avcilarê Mehmet Mandaci, Alîkarê Şaredarê Avcilarê Erhan Daka, Alîkarê Şaredarê Buyukçekmeceyê Riza Can Ozdemîr, Alîkarê Şaredarê Buyukçekmeceyê Omer Kazanci, bavê Şaredarê Beşîktaşê Alîcan Abaci, Îsmet Abaci û Fîkret Demîr, Ebubekîr Akin, Ozer Ayik, Sirri Kuçuk û Yusuf Yadoglu hatin girtin.

 

Alîkarê Şaredarê Beylîkduzê yê girtî Mûrat Çalik, Gurkan Polat, li gel xebatkarên Şaredariya Beşîktaşê Gorkem Kizilkaynak, Îsmaîl Yalçin û Şazîme Sena Çelîk, Kordînatorê Giştî yê Basketbolê Onvo Buyukçekmece Halîl Sati, xwediyê şîrketê Hakan Ateş, Can Zafer Yaman, Gurkan Doleklî, Songul Demîr, Bektaş Yildiz, Caner Vural, Fahrî Aksoy, Fatîh Yadoglu û Ozan Îş bi şertên kontrola edlî serbest hatin berdan.