Hevserokê Komîteya Çandinî û Aboriyê yê Rêvebiriya Xweser a Bakur û Rojhilatê Sûriyeyê Selman Barûdo, bal kişand ser astengî û êrişên Tirkiyeyê yên hember çandinî û aboriyê û destnîşan kir ku ew bi "aboriya rêya sêyem" li hemberî van êrişan disekinin. Barûdo got: "Em ê di sala 2022'yan de tevî gelên Bakur û Rojhilatê Sûriyeyê ji heqê van êrişan derkevin."
Serokê Genel-Îş'ê yê Şaxa Mêrsînê Kemal Goksoy, anî ziman ku meaşê kêm piştî ku hat diyarkirin bi zemên hatin kirin heliya. Goksoy, destnîşan kir ku divê îqtidar polîtîkayeke ne ehlê patronan ehlê gel esas bigire.
Stenboliyan ku diyar kirin ji ber krîza aborî nikarin debara xwe bikin gotin: "Helbet wê rojekê gel dakeve kuçeyan û şemaqê li nav guhê dewletê bixe."
Hevseroka KESK'ê Şukran Yeşîl Kablan, diyar kir ku teqawît û kedkarên cemaweriyê di bin rêjaya birçîbûnê de dijîn û xwest ku mûçeyê kedkarên cemaweriyê herî kêm di asta heqdesta asgarî de bê zêdekirin.
Sewalvanên ku ji ber bihabûna fiyetê êm û kayê zehmetiyê dikişînin, gotin: "Me nîviyê heywanên xwe firotin. Em ên mayî bi zorê xwedî dikin."
Li Mêrdînê, kedkarên tenduristiyê êrişa ku ji aliyê xizmen nexweş ve li bijîjkek hatibû kirin şermezar kirin.
Cotkarên ku ji ber krîza aborî û zêdebûna mesrefan zehmetiyê dikişînin, diyar kirin ku êdî nikarin hilberandinê bikin û esnafên ku berên çandiniyê difiroşin jî ji ber bihabûna fiyetan nerazîbûna xwe nîşan dan.
ÎZMÎR - Bi hezaran li Qada Gundogdûya Îzmîrê bertek nîşanî polîtîkayên AKP’ê bi rê ve dibe dan û gotin “Diçin û û wê biçin.”
Bi hezaran kedkar beşdarî mitînga li Amedê ya li dijî krîza aborî ya bi dirûşma “Em nikarin debara xwe bikin” hat lidarxistin bûn. Hevseroka KESK'ê Şukran Kablan her roja ku diçe tecrîd belavtir dibe, welat dikeve nava krîzek kûr û banga îstîfayê li hikûmetê kir.
Malbata Dal û Karataş a ku meaşê kêm yê hat aşkerekirin qelem bi qelem ji hev veqetandin, destnîşan kirin ku nikarin debara xwe bikin û gotin: "Av, pêdiviya herî sereke ye, lê em wê jî qurto qurto vedixwin."
Pîştî ku lûtkeya xwe ya dîrokî dît Bankaya Navendî di hêla firotinê de mudaxileyî dolar kir.
Rêxistinên ked û pîşeyî ji bo mitînga “Em nikarin debara xwe bikin” a ku wê KESK di 18’ê mehê de li Îzmîrê li dar bixin banga beşdariyê kirin.
Li Amedê û Êlihê ji bo beşdariya mitînga “Em nikarin debera xwe bikin” ku wê di 18’ê kanûnê de were lidarxistin, belavok hatin belavkirin û daxuyanî hat dayîn.
Banka Navendî ya Tirkiyê faîzê ji sedî 15’an daxist ji sedî 14’an. Bi daxistina faîzê re dolar bihatir bû.
Beriya biryara faîzê ya Banka Navendî ku bi meraqek mezin li bendê ye, piyaseya dovîzê ji nû ve bi tevger bû. Dolar derket asta 15,20 lîreyê tirk.