Di bîr anîna ji bo nivîskar Haydar Işik a li Dersimê hat lidarxistin de keça wî Yuksel Mûtlû axivî û bi lêv kir ku bavê wê heta bêhna xwe ya dawî ji bo gelê kurd têkoşiya.
Festîvala Filman a Kurt û Kurmancî bi destê malpera sinemayakurdi.net û Tor Filmê tê birêvebirin, ev cara ewil e dê were lidarxistin. Festîval balê dibe ser rewşa zimanê Kurdî. Temaşavan wê mehekê karibin online li filman temaşe bikin û filmên serketî hilbijêrin.
Albûma “Feqî” ya Firat Med roja serê salê derket. Firat Med dibêje ku ew vê berhemê diyarî giyanên Feqiyê Teyran dike û dixwaze sala 2022’yan bibe sala azadiya gelê Kurdistanê.
Şanoya Mencel ku ji ber vîrûsa koronayê dika xwe girti bû, bi lîstika “Tenê Ez” dîsa derdikeve ser dikê.
Komîsyona Ziman, Çand, Huner û Polîtîkayên Perwerdehiyê ya HDP'ê têkildarî astengî, qedexe û êrişên li ser ziman û hunera kurdî almanak a 2021'an amade kir û bi raya giştî re parve kir. Di vê almanakê de gelek bûyerên girîng cih digirin.
Kurdolog Ezîzê Cewo destnîşan kir ku derheqê zerdeştiyê de gelek guhertin ango tehrîfat hatine kirin û dîroka vê baweriyê girê dide Medan.
Platforma Zimanê Kurdî, ji bo dersên kurdî yên bijarte daxuyaniyeke nivîskî da û bang kir ku malbat ji bo zarokên xwe dersên kurdî yên bijarte hilbijêrin û li zimanê kurdî xwedî derkevin.
Yenîsahneya Êlihê bernameya xwe ya meha Rêbendanê aşkere kir.
Şanoya Bajar a Amedê, di meha Çileyê de wê bi lîstikên “Hinek Henek”, “Tenê Ez”, “Mem û Zîn” û “Tartuffe” derkeve pêşberî şanohezan.
Orkestra ma klîbek nû çêkir. Dê klîb îşev saet di 10'an de li ser hesabê youtubê yê "ma music center"ê bê weşandin.
Komeleya Lêkolînên Kurdî, berhema çîrokî ya bi navê “Momo” ya ku di nava wêjeya klasîkên cîhanê de cih digire, wergerand kurdî.
Leyîstika pêkenok a “Serbaz” ku ji aliyê koma Yenîsahneya Êlihê ve hatiye amadekirin, li ser dika Şanoya Bajêr a Amedê mêvanê amediyan bû. Lîstik ji destpêkê heta dawiyê temaşevanan dide kenandin.
Hunermend Rewşan Çelîker li Wêjegeh Amed gotûbêjek li dar xist û diyar kir ku ew dixwaze di navbera stran ango helbestên klasîk û nûjen de pirekê ava bike.
Ji bo bîranîn û yadkirina Arjen Arî yê yek ji pêşengê helbesta kurdî ya nûjen, ku di 30'yê cotmehê çû ser dilovaniya xwe, dê îsal pêşbirka 9'emîn a helbestê bê lidarxistin.
Hunergeha Welat ku li Rojavayê Kurdistanê xebatên girîng ên hunerî dike, bi beşdariya 125 stranbêjan klîba “Awazên Windayî” bi 6 zimanan amade kir.