NY, di raporeke xwe de îşaret bi metirsîdarbûna tundiya li dijî jinan a li Tirkiyeyê kir. Roportorê Taybet Reem Alsalem, bang li Tirkiyeyê kir ku demildest li Peymana Stenbolê vegere.
Welatiyên Wanê xwest ku tecrîda li Îmraliyê bi dawî bibe û wiha gotin: “Her ku em bêdeng dimînin, tiştên girantir bi serê me tînin. Divê her kes bi hev re dengê xwe derxîne.”
Li Lîanjîangê êrişî pêşdibistanekê hat kirin. Di êrişê de 6 kesan jiyana xwe ji dest dan û kesek jî birîndar bû.
Rojnamevan Nazîla Maroofian a ku bi bavê Jîna Emînî ya ji aliyê rejîma Îranê ve hat qetilkirin re hevdîtin kir, careke din hat girtin.
Doç. Dr. Selîm Eskîîzmîrlîler ji bo protestoyên li Fransayê ku piştî Nahelê bi eslê xwe ji Cezayîrê ji aliyê polîsan ve hatibû kuştin dest pê kiribûn, diyar kir ku ev "serîhildana zarokên esmer" e û got ku ev serîhildan encama krîza pergalê ye.
Îsraîlê ragihand ku êrişa li dijî Cenînê daye destpêkirin bi dawî kiriye û yekîneyên xwe paşve kişandiye. Di encama êrişên du rojan de herî kêm 12 filistîniyan jiyana xwe ji dest dan.
Polîsan yewnan bi ser Kampa Lavrioyê de girtin ku gelek kesên ji Tirkiyeyê sirgûn bûne li wir dimînin. Di serdegirtinê de 50 penaberên kurd hatin binçavkirin û tê gotin ku dê bişînin kampên cuda.
Aktîvîsta Mafên Jinan Elaha Delawarzî ku li Efganistanê hatibû binçavkirin, diyar kir ku Berdevkê Wezîrê Karên Hundir ê Talîban ê berê Karî Saeed Khostî destdirêjî li wê kiriye û bi darê zorê hewl daye wê weke kole bixebitîne.
Nivîskarê kurd Ezîzê Cewo diyar kir ku hewldana Prîgojîn ne serhildan lê meşek bû û wiha got: “Xwest dengê xwe bigihîne jor. Hinek dibêjin xiyanet bû lê ne wisa bû. Mirov bi vê mantiqê nikare Rûsyayê fêm bike. Heke bikariya xwe bigihanda Moskovê û pirsgirêk vegotina, dê bandorekî erênî li ser stratejiya şer bikira. Lê li hêla din jî vê hewldana Prîgojîn gelek kêmasî û lawaziyên parastinê yên Rûsyayê derxistin holê.”
Rêxistina Mafên Mirovan a Îranê diyar kir ku di meha hezîranê de herî kêm 52 kes û di nava 6 mehan de jî 354 kes ji hêla rejîma Îranê ve hatin bidarvekirin.
Di êrişa hewayî ya Îsraîlê ya li Şerîeya Rojava de 5 kes mirin û zêdeyî 20 kes jî birîndar bûn.
Bîlançoya çalakiyên protestoyî yên li Fransayê her ku diçe girantir dibe. Li gorî daneyan, di nava 6 rojan de herî kêm 5 hezar wesayît û hezar avahî hatin şewitandin û zêdetirî 5 hezar kes hatin binçavkirin.
Boteke ber bi Giravên Kanaryayê ve diçû noqî avê bû û 51 penaberan jiyana xwe ji dest dan.
Çalakiyên li Fransayê yên ji ber kuştina Nahel M. hatine destpêkirin di roja pêncan de didomin. Di roja dawî de herî kêm 719 kes hatin binçavkirin.
Înîsîyatîfa Hevgirtinê Ya Li Dijî Darvekirinê bal kişand ser rewşa Mazlûm Dag û Abdûrrahman Er ku li Girtîgeha Hewlêrê di greva birçîbûnê de ne û xwest daxwazên wan bên qebûlkirin.