Danezana Komxebata Rojên Gola Wanê aşkere bû. Di komxebatê de beşdaran xwestin ku Tesîsên Parzinandina Avê bi awayekî çalak bê xebitandin, Tesisa Parzinandina Bîyolojîk a Pêşketî demek berî demekê têkeve meriyetê û “Qanûna Parastina Havzaya Gola Wanê" bibe zagon. Dîsa xwestin ji bo Gola Wanê di Lîsteya Mîrateya Cîhanê ya UNESCO de cihê xwe bigire xebatek hevpar bê meşandin.
Li navçeya Şaxê ya Wanê, Sulava Kanispiyê di bin talûkeya HES'ê de ye. Ji bo xebatên HES'ê bên rawestandin, ÇEV-DER'ê serlêdanên hiqûqî kir.
Ekolojîst Guner Yalniç, bal kişand ser talankirin û wêrankirina xwezayê û xwest îktîdar dest ji polîtîkayên şer ên xwezayê talan û wêran dike berde.
Ji ber Bendava Ilisûyê 199 gundên li ber qeraxê Çemê Dîcleyê dê di bin avê de bimînin.
Mehmet Çîlsal ku bertek nîşanî RES'ê li Bodrûmê hatine çêkirin dan û got: "Doz hîn jî didome. Em di dozên xwe yên din de bi ser ketin. Em xwezahez şopdarê hemû pêvajoya ne."
Welatiyên xwestin Gola Zûrya ku malovaniya gelek çivîk û masiyan dike bê tîmarkirin, bang li şaredariyê kirin ku demildest tev bigere.
Endamê Komîsyona Ekolojiyê ya HDK'ê Tîmûr Taşdemîr, bal kişand ser girîngiya dîrokî ya Heskîfê ku dê ji ber Bendava Ilisûyê di bin avê de bimîne û ji bo vê bang li parêzvanên jiyanê kir.
Endama Komîtaya Çand û Perwerdehiyê ya Parlementoya Ewropayê Jûlîe Ward, destnîşan kir ku divê ji bo parastina Heskîfê he rkes bitêkoşe û got: "Bendava Ilisûyê çênekin, guh bidin gelê xwe."
Her çend bûbe cihê bertekên mezin, Şaredariya Bajarê Mezin a Hatayê dîsa jî bi ya xwe kir û ji bo Santrala Enerjiyê ya Biyokutleyê û navendên depokirina çopan, xebatên xwe yên li ser Hewzeya Ava Asiyê didomîne.
Hewldana Jiyandina Heskîfê û Tevgera Ekolojî ya Mezopotamya li dijî hilweşandina li Çemê Dîcleyê pêk tê her kesî vexwendin çalakiya “Avêtina Mezin (Big Jump)” a dê di 14’ê tîrmehê de li Heskîfê pêk were.
Prof. Dr. Selçûk Ertekîn, diyar kir ku mirov xwezayê texrîp dikin û got: “Ev jî, dibe sedem ku pergala xwezayî xera bibe. A rastî pirsgirêka derdorê tune ye, pirsgirêka mirovan heye. Divê hemû kes, sazî û dezgeh erka dikeve ser milê wan bicih bînin.”
Li Heskîfê, pira ji bo barkirina avahiyên dîrokî hat avakirin, pêşiya koçkirina masiyan digire.
Yaylakoy a 450 salî li hemberî şîrketên RES'ê li ber xwe dide. Leyla Arici ku 80 sal in li Yaylakoyê ye, got: "Ancax mala min bi ser min de hilweşînin dikarin min ji vira derxînin."
Komeleya Ekolojî, Şaredariya Bajarê Mezin a Amedê, Odeya Endezyarên Çandiniyê û Kooperatifa Pêşxistin û lêkolîna Zanistiya Xwezayê û Kedê ya Jinê, li Navenda Kongreyê Sempozyuma çandiniyê li dar xistin. Di sempozyumê de xwestin li axê xwedî derkevin û biparêzin.
Gola Wanê, her sal qirêjtir dibe. Heta niha ji bo vê meseleyê tu gavên mayînde nehatine avêtin. Şaredarî rojê 8-10 ton çop ji qeraxa golê berhev dike. Ev jî asta qirêjiyê nîşan dide.