* Hevserokê MED-TUHAD-FED’ê Kerem Canpolat, çalakiyên ji bo rakirina tecrîda li ser Rêberê PKK’ê Abdullah Ocalan didomin nirxandin û diyar kir ku heta tecrîd bi dawî bibe dê çalakî bi şêwazên cuda bidomin.

 

* Serokê Komeleya Bila Rengên Jiyanê Neçilmisin Osman Tûrgût diyar kir ku di warê têkoşîna li dijî tiryakê de peywireke mezin dikeve ser milê rêveberiyên xwecihî û got: "Li ber destê me tu dane tune ne ku li Wanê çend kes tên dermankirin. Ji lew re midûriyeta polîsan û Wezareta Tenduristiyê daneyan bi me re payê nake." 

 

* Hevserokê Şaxa EMO’ya Amedê Ûfûk Bûlût destnîşan kir ku wan ji bo enerjiyekî baştir û pêşîlêgirtina karesatan, berî niha DEDAŞ’ê hişyar kirine û anî ziman ku wan ji ber aliyê xwe yê bazirganiyê hişyariyan piştguh kirine.

 

* Danişîna 4’emîn a doza girtinê ya li dijî GOÇÎZDER’ê dê li 15’emîn Dadgeha Hiqûqê ya Asliye bê lidarxistin. (09.30) 

 

* Danişîna biryarê ya Komkujiya Gara Enqereyê ya 10’ê Cotmehê ku ji aliyê bersûcên fîrarî dom dike dê li 4’emîn Dadgeha Cezayê Giran a Enqereyê bê lidarxistin. Komeleya Aştiyê ya 10’ê Cotmehê, dê beriya danişînê li ber edliyeyê, daxuyaniyê li dar bixe. (09.30) 

 

* TÎHV, TTB û ÎHD dê rapora ku têkildarî îşkenceyê amade kirine li Navenda Giştî ya ÎHD’ê bi raya giştî re aşkere bike. (11.00) 

 

* Berdevka Meclisa Jinan a DEM Partiyê Halîde Turkoglû dê têkildarî rojeva jinan li navenda giştî civîna çapemeniyê li dar bixe (11.00) ZINDΠ

 

* Şaxa OHD’ê ya Stenbolê dê têkildarî binpêkirinên mafan ên li girtîgehên Herêma Marmarayê dê civîna çapemeniyê li dar bixe. (13.00) 

 

* Platforma Hawîrdorê ya Mêrsînê dê têkildarî şewatên li Amed û Mêrdînê pêk hatin li Parka Ozgur Çocûkê daxuyaniyê pêk bîne. (17.30) 

 

* Meclisa Ciwanan a DEM Partiyê dê maça ewil a “Tûrnûvaya Fûtbolê ya Gulistan Dokûyê” li Mêrsînê bilîze. (19.00) 

 

* Nobeta qeyûm a hêzên Ked, Aştî û Demokrasiyê ya li Qada Şîşhane ya li Stenbolê dê berdewam bike. (20.00-22.00)