Tevgera Jinên Azad (TJA) têkildarî hevdîtina Parlamenterên Partiya Wekhevî û Demokrasiyê ya Gelan (DEM Partî) Pervîn Buldan û Sirri Sureyya Onder a di 28’ê Kanûnê de li Girtîgeha Tîpa F a bi Ewlekariya Bilind a Îmraliyê bi Rêberê PKK’ê Abdullah Ocalan re kirî, daxuyaniyeke nivîskî weşand. 

 

Daxuyaniya TJA’yê wiha ye:

 

“Em vê îradeya ku tu carî ji îdeala çareseriya demokratîk û azadiya gelên Tirkiye û Rojhilata Navîn tawîz nedaye û bi gotina 'Em ê bi hev re azad bibin' tevî ku bi awayekî tund/mutlaq tê girtin, bi hezkirin û rêzdarî silav dikin. Şert û mercên tecrîdê yên 26 salan.

 

Weke Tevgera Jinên Azad; Rêberê Gelan Birêz Abdullah yekane hêza çareseriyê ye ku wê me ji vê zilma ku bi şer, komkujî û qirkirina bi destê mêran li hemû gelan bi taybet jin, ciwan, zarok û komên baweriyan dimeşîne. Netew-dewletên serdest û di qonaxa xwe ya niha de ji bilî kaos, krîz û wêrankirinê tu encamek dernakeve. Ji Tirkiyeyê heta Filistînê; Ji Efxanistanê heta Îranê; rêya aştiyeke bi rûmet a li dijî şer, ji Sûriyeyê heta Rojava, bi siyaseta demokratîk dikare were vekirin, ev jî amaje kir.

 

TÊKOŞÎNA HEVPAR

 

Em di wê baweriyê de ne ku çareseriya şeran bi têkoşîna hevpar û tifaqên ku hêzên demokrasiyê wê bi hêvî û wêrekiyê ava bikin, pêk were. Zîhniyeta ku li Rojhilata Navîn dibêje ‘yan mirin an jî teslîmiyet’ îflas kiriye. Çareserî wê li ser esasê siyaseta demokratîk, li ser rêya 3'yemîn ku temînata azadî û wekheviya jin û gelan e, pêk were. Yên ku wê vê zemînê ava bikin û biparêzin bêguman tevger û kesayetên civakî yên sosyalîst, şoreşger, demokrat, femînîst û antî-kapîtalîst ên li Tirkiyeyê ne, îtîfaqên me yên navneteweyî ne.

 

ÇARESERÎ BI HÊZA XWESER A JIN PÊK WERE 

 

Em ê ji şerên ku îmhaya herî mezin li jinan tê kirin, bi têkoşîna xwe ya azadiyê derkevin; ya rast ev e ku çareserî wê bi hêza xweser a me jin û gelên ku hewl didin di van şeran de bikevin zindanan pêk were. Weke TJA, têkoşîna ku em dibêjin şikandina tecrîda li ser civakê bi şikandina tecrîda li ser Rêberê Gelan Birêz Abdullah Ocalan ve girêdayî ye, parçeyek ji vê rastiyê ye. Civîna li Îmraliyê pêk hat careke din hêvî û hêza çareseriya demokratîk nîşan da. Bê şik berxwedana azadiyê ya jin û gelên ku ji bo rakirina tecrîdê têdikoşin, bi vê hêviyê tê xwarin û ji bo rakirina tecrîda mutleq wê têkoşîna xwe bidomînin. Em dizanin ku ev pêngav şefaf, pêbawer û li ser nirxên civakî ye; Îstîqrara ku wê veguhere aştiyeke bi rûmet, mayînde û çareseriya demokratîk jî wê bi berxwedanê pêk were.

 

Em ê di daxwaza xwe ya aştiyeke bi rûmet û çareseriya demokratîk de bi helwesteke bi rola xwe ya pêşengtiyê re israr bikin. Em bang li hemû jinan û raya giştî ya demokratîk dikin ku li ku dibin bila bibin, li vê rêya ku em ê bi hev re azad bibin, bibin yek.”