NAVENDA NÛÇEYAN - IDF’ê ragihand ku ji ber Xeze “herêma şer a xetere ye” rojê 10 saetan navber dane operasyona xwe ya leşkerî û got: “Biryara agirbesta taktîkî ya herêmî derbasdar nîne.”
Îsraîlê, di 24’ê Tebaxê de ji bo alîkariya xurekan bigihije Filîstiniyan, biryar da ku “agirbesta taktîkî ya herêmî” ku rojê 10 saetan navberê dide operayona leşkerî, raghand. Hêzên Parastinê yên Îsraîlê (IDF), li ser hesabê xwe ya platforma X’ê daxuyaniyek da. Di daxuyaniyê de ji bo Xezeyê îdiaya “herêma şer a xetere” kir û got ku îro ji saet 10.00’ê ve biryara agirbestê derbasdar nîne.
ZÊDETIRÎ 62 HEZAR KES MIRIN
Li gorî nûçeya Al Jazeera’yê, Îsraîlê îro li Xezeyê 21 Filistînî qetil kir.
Ji 7’ê Cotmeha 2023’yan roja Hamasê êrişî Îsraîlê kirî heta niha 62 hezar û 895 kesan jiyana xwe ji dest dane û 158 hezar û 927 kes birîndar bûn û zêdetirî 796 hezar kes jî ji warên xwe koç kirin. Ji ber xelaya li Xezeyê, heta niha 119 jê zarok bi giştî 313 kesan ji birçînan jiyana xwe ji dest dane.