MKGP’ê li Amedê bi daxuyaniyekê binpêkirinên li dijî rojnamegerên jin ên di nava 7 mehên dawî de aşkera kir. MKGP’ê da zanîn ku di nava van 7 mehan de 161 binpêkirin li dijî rojnamegerên jin hatine kirin û xwest ku rojnamegerên jin ên girtî di zûtirin demê de bên berdan.
Cîgira Hevseroka Giştî ya Partiya Şoreşger Bûrcûgul Çûbûk, diyar kir ku pêkanîneke taybet a desthilatê ya li dijî jinên HDP’î heye û bi lêv kir ku biryara rakirina parêzbendiya Hevseroka Giştî ya DBP’ê Salîha Aydenîz nas nakin.
Rojnamegerên jin ên li Enqerê kar dikin, diyar kirin ku tevî zext, tundî û zehmetiyên pîşeyî jî li Tirkiyeyê rojnamgerên jin li qadê ne û li dijî tundiya polisan banga têkoşîna rêxistinkirî kirin.
Li navçeya Eyubiye M.B. a 19 salî bi awayek guman jiyana xwe ji dest da.
Li gorî daneyên JINNEWS’ê, di meha tîrmehê de herî kêm 31 jin ji hêla zilaman ve hatin qetilkirin û herî kêm 12 jinan jî bi awayekî guman jiyana xwe ji dest dan.
Parlamentera HDP’ê Remziye Tosûn diyar kir ku ji polîtîkayên şer ên desthilatê herî zêde jin mexdûr dibin û li dijî êrişan jin vexwendin mitînga ku dê li Qada Îstasyonê li dar bixin.
Di Doza Kobanê de şandeya dadgehê bi darê zorê parastinê bi girtiya nexweş Aysel Tûglûk da kirin. Siyasetmedaran bertek nîşanî helwesta dadgehê da û diyar kirin ku dadgehê xwest ku Tûglûk bi îşkenceyê ceza bike.
Jinên TJA’yî û HDP’î ji bo piştevaniyê serdana Bazara Keda Jinê ya Silopiyayê kirin.
TAJÊ’yê bi minasebeta 8’emîn salvegera Komkujiya Şengalê daxuyaniyek da û diyar kir ku çeka herî xurt, xweparastin e û wiha got: “Em ê bi tu awayî rê nedin fermaneke din.”
Zilamê bi navê Umît Dur li navçeya Şahînbey a Dîlokê êrişî jina ji Kobanê ya bi navê Hamîde Şêx Muslim kir. Muslim, 13 rojan di bin çavdêriya awarte de ma û piştre jiyana xwe ji dest da.
Yekitiya Jinên Êzidî ya herêma Cizîrê bi semînerekê qurbaniyên di Komkujiya Şengalê ya 3'yê Tebaxê de jiyana xwe ji dest dabûn bi bîr anîn.
Li Denîzliyê zilamê bi navê Onûr Aslan bi amûrek birînê Rabî Dag Aslan a ku di qonaxa hevberdanê de bûn bi giranî birîndar kir.
Sekretera Giştî ya Partiya Pêşerojê ya Sûriyeyê Sîham Dawid ku yek ji beşdarên Forûma Şoreşa Jinê ya Rojhilata Navîn e, diyar kir ku di forûmê de biryarên têkildarî azadiya jinê hatine girtin û got: "Ji bo azadiya jinê divê em bi hev re û mil bi mil bixebitin û hêviyên xwe bikin yek."
Bi sedema ku silav dane xizmên hev û ew hembêz kirine, cezayê disiplînê li siyasetmedar Ayla Akat Ata û Ayşe Yagci hate birîn. Ata û Yagci têkildarî cezayê hatiye dayîn parastin kirin û gotin: “Tiştekî mirovî ye.”
Mizgîn Can, piştî dest ji Îsmaîl Uneşî berdaye, Uneşî û malbat wî êrişî wê kirine û ji ber vê nikare destê xwe yê çepê bilebitîne. Can destnîşan kir ku kiryar li derve ne û got: "Ez dixwazim edalet pêk were."