Jinên çalakger Dîlbent Turker, Nazîfe Toprak û Gulbîn Demîrel, li dijî pergala kapîtalîst a mêr a kedxwariyê berxwedana xwe kirin yek. Jinên kedkar û berxwedêr ku bi mehan e keda wan tê xwarin, ji bo mafê xwe, dê di 25’ê Mijdarê de li qadan bigêjin hev.
Jinên ku li Enqere û Edenê amadekariyên 25'ê Mijdarê dikin, li dijî tundiya zilam-dewletê banga hevdîtina li qadan kirin.
TJA û MATUHAYDER, li gelek navendan Qanûna Înfazê û neberdana girtiyên nexweş şermezar kir û ev daxuyanî da: "Em bibin dengê hemû jinên girtî".
Jinan li gelek navendan bal kişandin ser tundiya li jinan tê kirin û ji bo meşên meş û çalakiyên 25’ê Mijdarê bangên beşdariyê hatin kirin.
Berdevka Meclîsa Jinan a PYD’ê Zehra Semo diyar kir ku wan bi “Şoreşa Jinê ya Rojava” re li dijî zîhniyeta mêrsalarî têkoşîneke demdirêj dane destpêkirin û wiha got: “Destkeftî, ji ber ku moral û cesaretê didin jinên li Tirkiyeyê jî hedef tên girtin.”
Jinên kurd di bin banên cuda de bênavber têkoşiyan û niha di bin banê TJA'yê de têkoşîna xwe didomînin. Aktîvîsta TJA'yê Naşîde Toprak got her çend sîwanên têkoşînê hatine guhertin jî lê berxwedana wan nehatiye guhertin.
Dayika Aştiyê Emîne Koç a 64 salî bîr û baweriya xwe ya ji bo têkoşînê bi van gotinan xulase dike: "Ez yeqîn dikim, em ê bi ser bikevin. Ez nebînim jî dê yên li pê me bibînin."
Endamên Platforma Jinan a Enqereyê, ji bo çalakiya ku dê di 25'ê Mijdarê de li dar bixin bang kirin: "Em li dijî tahdeyê li qadan bin. Em bi hev re bihêz in."
Di çarçoveya 25'ê Mijdarê de jinan çalakî û şahiyên cuda li dar xistin û ev peyam dan: "Divê em hem di hêla siyasî de hem jî di hêla têkoşîna mafan de piştevaniyê xurt bikin."
Dewlet bi polîtîkaya şerê taybet a li herêmê dixwaze bi pêkanînên xwe yên li hemberî jinan civakê bi tevahî bimehîne. Her wiha kiryarên van pêkanînan dikin jî bi destê darazê tên parastin û jinên li dijî van pêkanînan têdikoşin jî tên girtin û bi salan ceza li wan tên birîn.
Înîsiyatîfa Dayikên Aştiyê ku li dijî şer û tecrîdê meş li dar xist diyar kir ku sedemê tundî û aloziyê, polîtîkayên şer ên qirêj ên desthilatê ne.
TJA’yê û Meclîsa Jinan a HDP’ê di çarçoveya çalakiyên 25’ê Mijdarê de jinên hatine qetilkirin bi bîr anî. Di bîranînê de jinan bertek nîşanî desteserkirina pankarta TJA'yê ya bi hêceta “sûc e” dan, bi dirûşmeya “Em hemû TJA’yî ne” bersiv dan.
Şûraya Dewletê daxwazên ji bo rawestandina birêvebirina derbarê Peymana Stenbolê de red kir.
Meclisa Jinan a HDP'ê ku çalakiyên 25'ê Mijdarê diyarî Denîz Poyraz kiribû, hemû vexwend ku daxuyaniya girseyî ya sibê bidin.
Li Kobanê, jinan dest bi çalakiyên 25'ê Mijdarê kirin û wê bi semîner û serdanan têkoşîna xwe vebêjin.