Meclîsa Jinan a HDP’a Colemêrgê diyar kir ku “rûspî” dixwazin ser bûyera êrişa zayendî ya li navçeya Rûbarokê li hember zaroka 4 salî pêk hatibû bigirin û ew ê dozê bişopînin.
Jina bi navê Rabîa Bîlgîn li navçeya Artemêtanê bi awayekî biguman jiyana xwe ji dest da.
Mêran li Stenbol, Îzmir û Samsûnê tundî li jinan kirin. Di bûyerên tundiyê de mêran bi tundiyê tecawizî 2 jinan kirin û 4 jin birîndar kirin.
Endamên Meclîsa Jinan a HDP’ê di çarçoveya “Ji Xizaniya Jinan Re Na” li Bajaroka Bûlam a Çêlikanê bi jinên ku tûtinê datînin re hatin gel hev. Berdevka Meclîsê Ayşe Acar Başaran got: “Navê xizaniyê bûye navê jinan."
Li gorî rapora azadiya çapemeniyê ya Koalîsyona Jinê ya di Rojnamevaniyê de ya meha gulanê, 70 jinên rojnamevan rastî tundî û tacîzê hatine.
Komeleya Jinan a Starê, têkildarî jinên ku li dijî talankirina xwezayê li ber xwe didin peyamek weşand û wiha got: “Em ê heta dawiyê li rex jinên ku av, ax û qadên jiyana xwe diparêzin bin.”
Rojnameya jinan a mehane Newaya Jin bi manşeta "Şerê hebûnekê bi Zîlanî" derket
Li navçeya Rezan, zilamekî êrişî jina bi navê Kubra E. kir. Kubra E. rapora lêdanê girt û giliya zilamê êrişkar kir.
Hejmara 15’emîn a pêveka jinê ya Yenî Yaşamê bi berga “Patriyarka jî, kapîtalîzm jî, kedê dixwin” derket.
Berdevka Meclisa Jinan a HDP’ê Ayşe Acar Başaran ku li Rihayê bi kedkarên jin re hevdîtin kirin, diyar kir ku jinên bi salan e li dijî pirsgirêkan têdikoşin êdî hêviyek wan ji desthilatê nemaye û ev tişt got: “Ev xaka weke welatê nan tê zanîn jin lê hewceyî nan hatine kirine.”
Endama Komîsyona Jinan a ÎHD'a Mêrsînê Zeynep Benlî, diyar kir ku di salekê de 50 jin ji ber binpêkirina mafan serî li komeleyê dane û di warê hiqûqî de alîkariya wan kirine.
Ji Rêveberiya Aboriya Jinan a Giştî Armanc Mihemed, diyar kir ku li Bakûr û Rojhilatê Sûrîyeyê jinan bi şoreşê re aboriya serbixwe ava kirine û ev ji cîhanê re bûye mînak.
Parêzer Pinar Çelîk Arpaci, ya ku bal kişand ser têkoşîna hiqûqî ya li dijî kuştinên jinan û pêkanînên du standartiya darazê, wiha got: “Ayşe Tûba cara 24’emîn çû ber deriyê edliyê serlêdan kir. Ez banga xwedî derketina dozê li raya giştî dikim.”
Parlementera HDP'ê Fîlîz Kerestecîoglû ku di nav bernameya "Ji Xizaniya Jinê Re Na" ya Meclîsa Jinan a HDP'ê de cih digire, destnîşan kir ku sedema herî girîng a xizaniya jinê newekheviya zayenda civakî ye û got: "Heya xizaniya jinê neqede, dê têkoşîn jî neqede."
Ayşe Tuba Aslan 23 caran serî li rayedarên dewletê dabû û alîkariya parastinê xwestibû. Lê ji ber rayedaran Aslan neparast, Yalçin Ozalpay ew kuştibû. 1'emîn danişîna doza Arslan li Edliyeya Herêmê ya Enqereyê hat dîtin. Dozgerê Dadgeha Îstînafê di danişina dozê de xwest cezayê kujerê Aslan, Yalçin Ozalpay bê daxistin.