Hevberdevka HDK’ê Îdîl Ûgûrlû, di 11’emîn Konferansa Jinan a Giştî ya Meclîsên Jinan a HDK’ê de axivî û got: “Em ê bi pêşxistina rêbazên nû têkoşîna jinan a navneteweyî mezin bikin.” Pervîn Bûldan jî, diyar kir ku faşîzm wê bi şikandina tecrîdê têk biçe.
Meclîsên Jinan ên HDK’ê, di 11’emîn Konferansa Jinan a Giştî de, bi gelek beşên jinan ên cuda re li hev kom bûn.
Jinên ku bi êmên çûkan difiroşin û pê debara xwe dikin, ji ber ku di dema pandemiyê de nikaribûne bixebitin niha nikarin heqê kirêya xwe bidin.
Meclîsa Jinan a HDP'ê çarçoveya kampanya "Ji xizantiya jinê re na" li Îdirê jinên di zeviyên silk û baxçeyên mişmişan de, dixebitîn ziyaret kirin. Jinên ku dan zanîn hîna yewmiya wan diyar nebûye, bal kişandin ser xebata erzan, dem dirêj û bêsîgorte.
Aktîvîsta TJA'yê Zela Bîlgîn a girtî tê darizandin, di danişîna ewil a dozê de, diyar kir ku çalakiyên ew tevlîbûn, hemû di çarçoveya ramana azad de bûne.
Hunermendên bertek nîşanî negirtina Mûsa Orhan dabûn, derbarê wan de doz hatibûn vekirin. Parêzer Yelda Koçak, diyar kir ku armanca van dozan ew e ku berteka civakî bitepisîne û ev tişt got: "Dê qêrînên Îpek Er di guhên darazê de olan bidin."
Jinên ku polîsan li pêş Edliyeya Enqereyê bi lêdanê binçav kirin, hatin berdan.
Meclîsa Jinan a HDP’ê piştî jinên koçer seredana jinên kedkar ên malê kirin.
33 jinên ji bo xwedî li Peymana Stenbolê derketin tên darizandin, ji ber parêzer û hevalên wan beriya danişînê bi tundiya polîsan ve rûbirû man şermezar kirin û parastinê nekirin. Danişîn hat taloqkirin.
Doza ku ji ber dijderketina wan a derketina ji Peymana Stenbolê li 33 jinan hatibû vekirin, bi mudaxaleya polisan dest pê kir. Polisan, gelek jinan binçav kirin û li rojnamegeran dan.
Li Kirikkaleyê Hacar Başkaya û li Samsûnê jî Emel Duzgun ji aliyên hevjînên xwe ve hatin kuştin.
Cîgira Seroka Navenda Mafê Jinan a Baroya Enqereyê Prz. Gulnîhal Agirer, anî ziman ku li Tirkiyeyê baweriya piraniya civakê bi edaletê nemaye û wiha got: “Ji ber vê yekê parvekirinên Ezgî Mola rexneya li pergalê ye."
Jinên di bin banê Kooperatîfa Hayat Agaciyê de li hev kom bûne, hem di warê zayenda civakî de perwerdehiyê didin hem jî berên hildiberînin li çarşî û bazaran difiroşin.
Jinên ku li dijî feskirina Peymana Stenbolê daxuyanî dan, wiha gotin: “Em serî hildidin, dîroka zilaman nivîsandiye ser û bin dikin û dest ji peymanê bernadin.”
Rêyên Dîlek Kaya ya ku di Komkujiya Pirsûsê de bavê wê hatibû qetilkirin û Emîne Şenyaşar a hevjîn û du lawên xwe di êrişa parazvan û xizmên parlamenterê AKP’ê de winda kiribûn, di têkoşîna “edaletê” de gihiştin hev. Du jin, bi du zimanên cuda heman daxwazî dikin.