Aktvîsta TJA’yê Berîtan Onen, diyar kir ku kampanyaya “Em xwe diparêzin” ji bo jinan bû hêvî û got: “Em ne mehkûmê tundiyê ne, ne mecbûrin werin kuştin û bêdeng bimînin. Werin em bi hevre civakê biguherînin û jiyanê ji nû ve ava bikin.”
Prof. Dr. Necla Kûrûl, diyar kir ku di pratîka 18 salan a desthilatdariyê de, hema bêje li ser zilamtiya “efendî”, jina “kole” arezûyên xwe danîn holê û got: “Hûn 80 ‘zanîngehên jinan’ jî vekin, ger nêrîna we ya pirsgirêkê neguhere, hûnê nekarin jinê bi hêz bikin. Divê em ji bingeh de bifikirin.”
Rêxistinên jinan ên li Bakur û Rojhilatê Sûriyeyê bi kampanya îmzeyan piştgirî dan pêngava Kongreya Star bi şiyara "Na ji dagirkerî û qirkirinê re. Em bi hev re jinê û jiyanê biparêzin".
Tîma Voleybolê ya Jinan a Ciwanan Şaredariya Silopiyayê, Tîma Voleybolê ya Mêrdînê 3-0 têk bir.
Jinan li Rihayê bi daxuyaniyeke çapameniyê daxwaz kir ku Berdevka Demê ya TJA’ya Ayşe Gokkan û jinên din ên di bin çavan de bên berdan.
Li Wanê, jinan xwestin ku binçavkirina Berdeveka TJA’yê Ayşe Gokkan şermezar bikin, lê polîsan destûr nedan wan. Jinan li ser vê yekê bi lêxistina çepikan û berzkirina tilîliyan bertek nîşanî polîsan dan.
Hevala Kader Ortakkaya ku dema Berxwedana Kobanê li ser sînorê jiyana xwe ji dest da Perîhan Koca, diyar kir ku di berxwedana jinan a ji Geziyê heta Kobanê de Kader Ortakkaya bûye pêşenga têkoşîna jinan a azadiyê.
TJA'yê li Amedê derbarê girtina Berdevka TJA’yê Ayşe Gokkan de, diyar kir ku binçavkirinên li dijî krîmînalîze kirina TJA’yê qebûl nakin û got: “Nasnameya jinên muhalîf hedef tê girtin.”
TJA'yê li Sîlopiyê, panela “Têkoşîna li dijî tundiya li ser jinê” li dar xist. Nûran Îmîr a HDP'î di panelê de axivî û got: "Dewletê rolên xwe yên zayendperest û serdest dewrî zilaman kiriye. Divê em li dijî vê îtîraza xwe mezin bikin û parastina xwe dewam bikin."
Aktivîsta TJA'yê Medîna Efe xebatên di çarçoveya kampanyaya "Em Xwe Diparêzin" de ku li Rihayê tên kirin nirxandin, diyar kir ku rastî dîmeneke ku jin hepsî nava çar dîwaran hatine kirin de tên û got: "Jin dixwazin ev kampanya bidome. Em ê jî di vê çarçoveyê de kampanyaya xwe mezintir bikin." ."
TJA û Meclisa Jinan a HDP’ê, di çarçoveya kampanya “Em xwe diparêzin” de bi jinên ku fistiqan berhev dikirin re hatin gel hev.
Endama Desteya Weşanê ya Kovara Jineolojiyê Parêzer Rûşen Seydaoglû diyar kir ku jin di nav pergala malbatê de hatiye asêkirin ku ev pergal wekî "prototîpa dewletê" tê wesifandin û got: "Tê xwestin jin nasnameya xwe ji bîr bike."
Aktîvîstên TJA’yê di çarçoveya kampanya “Em xwe eiparêzin” de, li navçeya Hezexê jinên di atolyeyên tekstîlan de dixebitin ziyaret kirin.
Nûnera Jinan a Lijneya Kordînasyona Bajêr a TMMOB’ê Arîn Zumrut diyar kir ku medyaya hawizê neheqî û komkujiyên li jinan tê kirin normal dike û got: “Divê jin tevlî qadên têkoşînê bibin.”
Meclisa Jinan a Bakur û Rojhilatê Sûriyeyê, di komxebata xwe ya têkildarî binpêkirinên mafên jinan ên li herêmên di bin kontrola Tirkiyeyê û hêzên paramîlîter de ragihand ku di 3 salan de 53 jin hatine qetilkirin û 317 jin jî hatine revandin.