Jinên ku li herêmên erdhejê di konteyniran de hatine bisînorkkirin wiha gotin: “Ceyran tune ye, av tune ye, jiyaneke civakî tune ye. Em tenê dijîn. Nizanin dê heta ku wiha bijîn.”
Mehtap Alîşan got ku amadekariyên wan ên ji bo Meşa Şevê ya Femînîst a Îzmîrê didomin û wiha got: “Em ê li dijî tundiya mêr-dewletê bi serhildana xwe kolanan dagirin.”
Siyasetmedara kurd Selma Irmak diyar kir ku Heke paradîgmaya “demokratîk, azadîxwaziya jinê û ekolojîk” a Abdullah Ocalan were bicihanîn dê têkiliyên mirovan-xwezayê, mêr û jinan, kes û civakê, dewlet û welatiyan ne li ser tunekirinê bin dê veguhere pergaleke ku bide jiyîn û got: “Paradîgmaya Ocalan civaka exlaqî û polîtîk pêkan dike.”
Berdevka YPJ’ê Rûksen Mihemed diyar kir ku bi xweparastinê hem li dijî êrişa li ser jinan hem jî ya li ser axa wan şer dikin û bi gotina : “Şoreşa jinê ne tenê bi çekan, di heman demê de bi binesaziya fikrî bi ser ket. Em ê bi paş ve nekişin” 8’ê Adarê li hemû jinan pîroz kir.
Parlamentera Amedê Ceylan Akça ya di panela “Jin, Zindan û Tecrîdê” de axivî, wiha got: “Bi tecrîdê re tê xwestin ku paradîgmaya azadîxwaziya jinê ku tevgera kurd xwediyê wê ye, bê helandin.”
Çalakiyên di çarçoveya 8’ê Adarê de li gelek bajaran didomin. Di çarçoveya çalakiyan de li gelek bajaran ji bo jinên girtî qertên piştevaniyê hatin şandin.
Ji bo pêşangeha resman a jinan ku di çarçoveya projeya “Ji Çaran Çar, Jin Huner” de li Wan hat lidarxistin, eleqeyeke zêde hebû. Ji kedkarên projeyê Helîn Demîrtepe got ku eleqeyeke zêde heye û ev bang kir: “Em xwedî li çanda xwe derkevin.”
Hayat Ozmez di 16 saliya xwe de hate zewicandin, rastî tundiyê hat û 23 salan piştre karî hev berdin. Ozmez, bi kargeha xwe ya “Jiyan” re jiyana xwe ji nû ve afirand. Di nava esnafên derdorê de tenê esnafa jin Ozmez e û hemû dîwarên li dora wê hatine avakirin rûxand.
Parêzer Nevraz Sigin anî ziman ku der barê mirina bi guman a jinan de ku wekî "xwekuştin" an jî "qezayê" tên tomarkirin de lêpirsîneke bi bandor nayê kirin û da zanîn ku di dozan de dadger bi şexsî tevdigerin.
Simlâ Sûnay der barê amadekariyên "Meşa Şevê ya Femînîst" de ku fînala çalakiyên 8'ê Adarê ye wiha banga- kir: "Em di 22'yemîn Meşa Şevê ya Femînîst de careke din li Taksîmê bên cem hev."
Li Bakur û Rojhilatê Sûriyeyê di çalakiyên 8'ê Adarê de soza xurtkirina têkoşînê hat dayîn.
Jinên ku li gelek bajaran xwe ji bo 8’ê Adarê amade dikin, diyar kirin ku dê piştevaniyê mezin bikin û têkoşîna xwe bidomînin.
Kampanyaya TJA’yê ya "Bi jin, jiyan, azadiyê ber bi azadiyê ve” dê di 8’ê Adarê de bê temamkirin. Ji aktîvîstên TJA’yê Nevriye Çur anî ziman ku kampanyaya wan dê bi dawî bibe lê têkoşîna wan wê her tim bidome.
Jinên kedkarên çandiniyê yên ku di bin zexta kedxwariyê de ji bo jiyanê têdikoşin, xwestin ku jin li qadên 8'ê Adarê dengê wan ragihînin.
Namzeta Hevşaredariya Bajarê Mezin a Enqereyê ya DEM Partiyê Gultan Kişanak, bi nameya ji girtîgehê şandiye xebatên hilbijaritinê da destpêkirin û got: “Em ji bo vebijêrkeke demokratîk pêşkeşî gelê Enqereyê bikin tên”