Endama MLSA û OHD’ê parêzer Emîne Ozhîsar ragihand ku ji aliyê ajokarê teqsiya ku ji Taksîmê ji bo biçe edliyeyê lê siwar bû ve rastî tacîzê hatiye. OHD’ê û MLSA’yê diyar kirin ku wê şopdarên pêvajoyê bin.
Sakîne Cansiz, Fîdan Dogan û Leyla Şaylemez ên li Parîsê hatibûn qetilkirin li ser gorên xwe hatin bibîranîn. Jinan di bibîranînê de ev peyam dan: “Heta ku Kurdistan azad bibe em ê têkoşîna xwe hevalên xwe bidomînin.
Abdulbarî Şaylemez ê keça xwe Leyla Şaylemez a beriya 11 salan li Parîsê hate qetilkirin vegot, wiha got: “Ez hem weke bavekê hem jî yek ji gel heyranî zanebûna wê ya di temenekî ciwan de û ruhê wê yê têkoşer dimam.”
Li navçeya Rezanê Pervîn Bal ji aliyê hevjînê xwe N.B. ve hate qetilkirin.
Dayika Aştiyê Halîme Kaya ya gundê wê hatiye şewitandin, hevjînê wê di îşkenceyê de hatiye qetilkirin û lingê kurê wê hatiye seqetkirin û bi salan e li ber xwe dide, îro têkoşîna xwe di Nobeta Edaletê de didomîne û wiha got: “Canê me çû lê rûmeta me ma ye. Em têkoşîna heqîqetê dimeşînin."
Platforma Jinan a Şahmaranê daneyên tundiya li dijî jin û zarokan a di sala 2023’yan de li Mêrdînê parve kir û da zanîn ku herî kêm 5 jin û 5 zarok hatin qetilkirin û 11 jinan jî bi awayeke guman jiyana xwe ji dest dan.
Fatma Dogan ku dayika Fîdan Dogan a 11 sal berê li Parîsê hatibû qetilkirin e diyar kir ku keça wê hêj di temenekî biçûk de tev li têkoşînê bû û wiha got: “Ji ber têkoşîna keça xwe serbilindim.”
Mûazzez Saglam a ku 8 sal in li Serêkaniyê ajokariya taksiyê dike, anî ziman ku ji bo dest ji karê xwe berde gelek caran rastî zextan hatiye û herî zêde jî jinan piştgiriya wê kiriye.
Parlamentera Îzmîrê Bûrcûgul Çûbûk a di bîranîna jinên li Silopiya û Parîsê hatin qetilkirin de axivî, wiha got: "Têkoşîna azadiya jinê, ev têkoşîna ku me tîne ba hev, bingehên vê dewletê dihejîne.”
Gonul Kaya ku hevaltiya wê ya bi Sakîne Cansiz a di 9’ê Çileya 2013’an de li Parîsê hate qetilkirin re kevn e wiha got: “Ew jineke evîndara azadiyê, evîndara têkoşîna afirandina mirovê azad bû.”
Komeleya Rojnamegerên Jin a Mezopotamyayê da zanîn ku di sala 2023’yan de 168 rojnamegerên jin hatin darizandin û 11 rojnameger jî hêj di girtîgehê de ne.
Parlamentera DEM Partiyê ya Bedlisê Semra Çaglar Gokalp diyar kir ku li Girtîgeha Sîncanê 11 jin ji mafê berdana bi şertê kontrola edlî sûd negirtine û ji bo Wezîrê Dadê Yilmaz Tûnç bi bersivîne pêşniyazpirsek pêşkeşî Meclisê kir.
Sakîne Demîr der barê keça xwe Sêvê Demîr ya li Silopiyayê bi 11 guleyan hatibû qetilkirin axivî û anî ziman ku doza keça wê doza her kesî ye û wiha got: "Werin em aştiyê bînin vî welatî."
Hevseroka Meclisa Gel a Silopiyayê Pakîze Nayirku bi berxwedana xwe mîrateyeke têkoşînê ya mezin li pey xwe hişt, navê xwe di rûpelên dîrokê de bi tîpên zêrîn nivîsand. Dayika Nayirê Behiye Nayirê diyar kir ku keça wê ji bo parastina gelê xwe, xwe feda kiriye.
Hatîce Ûyar, dayika endama KJA'yê Fatma Ûyar ku di qedexeyên derketina derve de hatibû qetilkirin, got: "Divê sedema tekoşîna her jineke kurd Sêvê be, Pakîze, Fatma, Sakine û Asya Yuksel be. Heta em sax bin em mîrateya tekoşînê ya ku wan ji me re hiştiye bidomînin."