Berdevka Meclisa Jinan a DEM Partiyê Halîde Turkoglu bal kişand ser Doza Kobanê û got: "Xwestin gelê kurdceza bikin, destkeftiyên gelê kurd û ên jinan û şoreşa Kobanê ceza bikin."
Rojnamevan Esra Solîn Dal ku nêzî 25 rojan di bin tecrîdê de ma, diyar kir ku ew ê tim binivîsin ku li welêt tecrîd heye û got: "Çapemeniya Azad nayê bêdengkirin."
Hat zanîn ku endama Koordînasyona Jinên Ciwan a DEM Partiyê Senem Erîş piştî hatiye girtin lêgerîna tazî lê hatiye ferzkirin, bi erdê re hatiye kaşkirin û wê birine qawîşa edliyan.
Di 8 rojên dawî de tevî hemû serlêdanên hiqûqî jî 4 jin hatin qetilkirin. Parêzer Halîse Dakali bilêv kir ku pergal li terefê mêran e û ji bo çareyê jî îşaret bi têkoşîneke li ser esasê xweparastinê kir.
Kesê bi navê Sezgîn A. li Bursayê hewl da bi kêran jina bi navê S.C. qetil bike.
Li Taxa Şêxmeqsûd a Helebê Weqfa Jina Azad a Sûriyeyê hate vekirin.
Dihat payîn ku nûçegihana JINNEWS’ê Derya Ren di serê meha gulanê de bê tehliyekirin lê bi hinceta “Amade nîne tev li jiyana civakê bibe” ji bo 3 mehan hate taloqkirin.
Kovara Jînê di hejmara 64’emîn de bi manşeta “Îdeala azadiyê ya jinan a li dijî netewe dewletê...” derket.
Kesê bi navê Hasan Orhan li Çorumê Nazegul Orhan ku di qonaxa hevberdanê de bûn û xwişka wê Meryem Karakoç qetil kir.
Dayikên Aştiyê yên Wanê, diyar kir ku heya agahiyê ji Rêberê PKK'ê Abdullah Ocalan bigirin wê têkoşîna wan bidome û xwestin ku her kes xwedî li çalakiya wan derkeve.
Bahar Kaban a li Kuçukçekmeceyê rastî gefên Gokhan Y. dihat, tevî ku gilî kiribû jî nehat parastin û ji hêla faîl ve hate qetilkirin.
Jinên di Doza Kobanê de tên darizandin daxuyandin ku ew “Ji bo şert û mercên tenduristî, ewlehî û azadiyê yên Abdullah Ocalan werin pêkanîn” tev li danişîna îro ya biryarê nebûne.
Bi hedefnîşandana Wezîrê Karên Hundirîn yê berê Suleyman Soylû, aktîvîsta TJA’yê Sumeyye Gok û endamê Meclisa Ciwanan a HDP’ê M. Mîraç Dînç hatibûn girtin û derbarê wan de doz hatibû vekirin. TJA vê yekê wek “doza kompasê” nirxand û destîşan kir ku a tê darizandin, têkoşîna jinan e.
Jinên li ber Şaredariya Bêrecûkê hatin bahev, ji Mehmet Begît ê ji DEM Partiyê îstîfa kir re ev bang kirin “Heke nexwazî weke rûreşan bê bibîranîn îstîfa bike.”
Dayikên Aştiyê yên Bedlîsê, bal kişandin ser agahînegirtinê ya ji Rêberê PKK'ê Abdullah Ocalan û gotin: "Ger dema di meha ewil a agahînegirtinê de me dengê xwe derxista, tecrîd wê nehata vê astê. Lewma xwedîderketineke xurt divê."