Damezirînerê Hewldana Edaletê ya ji bo Roboskê Tanju Gunduzalp diyar kir ku hêj faîlên Komkujiya Roboskê nehatine girtin û xwest ji bo darizandina faîlên hemû komkujiyan, “Zagona Heqîqet û Edaletê” were derxistin.
Serokwekîla Koma DEM Partiyê Gulistan Kiliç Koçyîgît diyar kir ku ji bo komîsyon bi Abdullah Ocalan re hevdîtinê bike divê Kurtulmuş berpirsyartiya dikeve ser milê xwe bicih bîne.
Serokê Odeya Bijîşkan a Amedê Veysî Ulgan, diyar kir ku rewşa Îsmaîl Beşîkçî ku xwîn çûbû ser mejiyê wî ber bi başiyê ve diçe lêbelê dîsa jî xetereya li ser jiyana wî didome.
Şîna endamê HPG’ê Firat Kuşak ku li Wanê hatiye danîn, bi girseyî hate ziyaretkirin.
Hevserokê Giştî yê DEM Partiyê Tuncer Bakirhan diyar kir ku divê Meclis êdî yasayên aştiyê bixe rojeva xwe û got: “Ji bo mafê hêviyê ku birêz Bahçelî behsa wê dikir, divê gavên pêwîst bên avêtin.”
Danişîna doza qetilkirina Dîlara Gunanayê dê sibe were lidarxistin. Bavê Dîlara Gunanayê Fevzî Gunana banga tevlibûna dozê kir û xwest hesab ji faîlên keça wê were pirsîn.
Serokê Amedsporê Burç Baysal diyar kir ku ew ê ji ber cezayê pereyan ê ji ber reklama bi Kurdî li Amedsporê hatiye birîn serî li Lijneya Tehkîmê bidin û got: “Em ê bêtehemûliya li dijî zimanê me yê dayikê qebûl nekin.”
Hevberdevka HDK’ê û endama komîsyonê Meral Daniş Beştaş diyar kir ku divê komîsyon tavilê bi Abdullah Ocalan re hevdîtinê bike û got: “Heke komîsyon neçe Îmraliyê, wê demê bila birêz Ocalan were.”
Aktîvîsta Koalîsyona Edaleta Avhewayê Ecehan Balta diyar kir ku divê envantera texrîbata xwezayê ya 50 salên dawî ya li Kurdistan û Tirkiyeyê were derxistin û mekanîzmaya hiqûqî were avakirin.
Welatiyên Semsûrê diyar kirin ku ew piştgiriyê didin Pêvajoya Aştî û Civaka Demokratîk û gotin ku ji bo aştiya civakî divê Abdullah Ocalan were berdan.
DMME’yê têkildarî nedayîna pirtûkên Abdullah Ocalan ên “Neteweya Demokratîk” û “Manîfestoya Şoreşa Kurdistanê” ya ji girtiyan re biryara binpêkirinê da.
Di çalakiyên li Stenbol û Enqereyê de hat xwestin ku girtiyên nexweş Seyad Erîşmîş û Hatîce Yildiz bên berdan.
13 kesên ji malbata Tamûr ên ku di demên cuda de di şer de jiyana xwe ji dest dane, hatin bibîranîn.
Hevberdevkê Însiyatîfa Yekîtiya Demokratîk Mehmet Kamaç, di civîna li Şirnexê de got ku gelê kurd ancax bi tifaqê dikare vê pêvajoyê bi bibe serî.