Şert û mercên "koletiyê" li cihên kar dibin sedema berhêlîkirina ber bi tiryakê. Gel, di vî warî de hewldanên şaredariyan têrker nabînin. Lêkolîna qadî, ligel pêşxistina qadên kar û civakî îşaret bi avakirina "mekanîzmayên ewlehiya kolektîf" dikin.
Lêkolîner Şîlan Bîngol diyar kir ku rêûresmên ku ji bo kesên jiyana xwe ji dest dane tên lidarxistin, di hemû baweriyan de bîranîneke kolektîf diafirînin û der barê êrişên li ser merasîmên cenazeyan de got: "Divê dewlet û desthilat dawî li vê tundûtûjiyê bînin. Ji bo aştiyeke mayînde, divê em bi mirinan re rû bi rû bimînin."
Mamoste Çeçan Topçu destnîşan kir ku ji bo entegrasyona demokratîk pêwîst e zimanê Kurdî ji hêla qanûnî ve were misogerkirin û got: "Ger statûya Kurdî neyê naskirin, em nikarin qala entegrasyonê bikin."
Endamê Egîtîm Senê Lokman Babat destnîşan kir ku êdî tiryak li ber deriyên dibistanan tê firotin û got: "Divê dewlet ewlehiya dibistanan dabîn bike. Rêveberiyên herêmî jî dikarin bi projeyên civakî ve pêşiya vê bigirin."
Pisporê tenduristiya gel Mehmet Zencîr, diyar kir ku ji bo tenduristiyê demokrasî û aştî pêwîst in û di Pêvajoya Aştî û Civaka Demokratîk de berpirsyariyeke mezin dikeve ser milê xebatkarên tenduristiyê û got: "Divê em bibin aktorên avakar ên aştiyê."
Şînên ji bo Netîce Kozat, Cîgerxwîn Mizrak û Zindan Temîz li Amedê hatin danîn, bi girseyî hatin ziyaretkirin.
Şîna bavê Ferhat Tepe, Îshak Tepe ku duh wefat kiribû, bi girseyî hate ziyaretkirin.
Ji bo rojnameger Huseyîn Aykol ku tedawiya wî ya li beşa çavdêriya awarte didome bikare bêhnê bistîne, trakeostomî hat kirin.
Endamê CPT’yê Kameran Osman, diyar kir ku pêvajo bandoreke erênî li tevahiya herêmê kiriye lêbelê Tirkiye hejmara baregehên xwe yên leşkerî yên li herêmê zêde dike.
Dadgeriya Înfazê, taloqkirina tehliyeya Emîn Guler a bi hinceta “poşman nîne” nirxand û got: “Lijneya Îdare û Çavdêriyê ne ew meqam e ku poşmaniyê binirxîne.” Dadgeriyê, biryara lijneyê bi vê sedemê betal kir.
Serokê Kuluba Amedsporê Nahît Eren, diyar kir ku motîvasyona tîma wan bilind e û bang kir ku li şûna rexneyên rûxîner, rexneyên çêker bên kirin.
Selahattîn Demîrtaş û Selçûk Mizrakli, ji bo rojnameger Huseyîn Aykol peyama piştevaniyê dan û gotin: “Hiş û dilê me bi te re ye.”
Lijneya Îdare û Çavdêriyê, daxwaza Rojîn Durmazê ya ji bo sewqkirina Girtîgeha Îmraliyê, weke hinceta taloqkirina tehliyeyê nîşan da û tehliyeya wê ji bo 6 mehan hate taloqkirin.