Hevberdevkê Demê yê Platforma Parastina Bajar û Piştevaniyê ya Amedê Mahsûm Çiya Korkmaz diyar kir ku divê îktîdar ji bo çareseriya pirsgirêka Kurd gav biavêje û operasyonên leşkerî bide sekinandin.
Şaredariya AKP’î ya Stewrê ji roja dest bi kar kirî heta niha tevî hişyariya derhiqûqtiyê ya Dîwana Çavdêriya Darayî jî 5 îhaleyên bihayê wan 77 milyon TL digire, bi îdiaya “ewlehiyê” û bi rêbaza “bazariyê” kir.
Hevberdevka HDK'ê Meral Daniş Beştaş diyar kir ku mezintirîn pêdiviya welat aştî ye û got: "Geşedanên li Rojhilata Navîn ji Tirkiyeyê re dibêjin 'pirsgirêkên xwe çareser bike.' Em, nûnertiya Rêya Sêyemîn dikin. Dixwazin Rojhilata Navîn demokratîk bibe."
Nûran Seçkîn a ku di şer de 4 kes ji malbata xwe winda kir, wiha got: "Li ber serê me şerê Îsraîl-Îranê heye. Divê aştî bê kirin. Hewceye dewlet ji bo vê gavên lezgîn û şênber biavêje."
Yûsûf Doner ku cenazeyên 2 zarokên wî di bin payerêya Kîlyosê de hatine definkirin, got: “Min dixwest bimirim lê zarokên xwe di bin wê payerêyê de nebînim. Tevî van êşan jî heke aştî bibe dê êşa me siviktir bibe.”
Li Şirnexê 5 herêm weke “herêmên ewlehiya taybet” hatin ragihandin.
Zarokê 18 mehî Mehmet Uytun li Cizîrê bi fîşeka gazê ya ji hêla leşkerekî ve hatibû avêtin, jiyana xwe ji dest da. Ev 4 danişînin hêj nehatiye bersivandin ka ev bombeavêj di envantera TSK’ê de heye yan na.
Rojnameger Zeynep Durgut ku ji ber teşhîrkirina “Çeteya Fihûşê” malbata Tatar gef lê xwaribû, serlêdana sûc kir. Bi boneya piştevaniya bi Zeynep Durgutê re li pêşiya edliyeyê daxuyanî hate dayin û soza têkoşîna li dijî vê zîhniyetê hate dayin.
Hevserokê Giştî yê DBP’ê Keskîn Bayindir di kongreya partiya xwe ya Geverê de axivî û got: “Têkoşîna sedsalî ya gelê me dê bi Rêberê Gelê Kurd Abdullah Ocalan re bi ser keve.”
Danişîna doza Hevseroka DEM Partiyê ya Rihayê Ayşe Surucu, ji ber ku dozger hêj mutalaaya xwe pêşkeş nekiriye hate taloqkirin.
Tehliyeya Serdar Başaran ku li Girtîgeha Bafrayê tê ragirtin, bi îdiaya “ji bo civakê xetere ye” ji bo 6 mehan hate taloqkirin.
Dadgeha Îstînafê di doza tecawiza li dijî zarokan û fihûşê ya li Îdirê de cezaya li 6 bersûcan hatibû birîn betal kir û xwest cezayê wan were zêdekirin.
Çalakiya “Nobeda Azadiyê” ku bi daxwaza azadiya fîzîkî ya Abdullah Ocalan li Strasbourgê hatibû destpêkirin, di sala 14’an de ye.
Dadgeha Îstînafê, salek û 3 meh cezayê hefsê yê bi îdiaya “propagandaya rêxistinê” li rojnameger Mehmet Alî Ertaş hatibû birîn derhiqûqî dît û biryara beraetê da.