Aktîvîsta TJA’yê Ayla Akat Ata di çalakiya protestokirina qeyûm de axivî û bertek nîşan da. Ayla Akat Ata, got: “Gelê me dê serî li ber polîtîkayên zilmê netewîne. Sedsal jî derbas bibin dê gelê me dîsa jî xwedî li îradeya xwe derkeve.”
Seroka Konseya Navendî ya TTB’ê ya berê Şebnem Korur Fîncanci ku ji îdiaya “biçûkxistina dewletê û saziyên wê” dihat darizandin, beraet kir.
Di danişîna doza qetilkirina zaroka bi navê Tevrîz Dora ya de ku 3 polîs weke bersûc tên darizandin, biryar hate dayin ku xwe li benda rapora pisporan bigirin.
HDK’ê li ser medyaya dijîtal bi dirûşma “#AdaletİçinÇağlayana” banga piştevaniyê kir.
Ji bo parêzerê OHD’î Bedirhan Sarsilmaz biryara tehliyeyê hate dayin.
Parêzerên Buroya Hiqûqê ya Asrinê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
56 şexsiyet û saziyên Îtalî ji Serokê Komîteya Wezîran a Konseya Ewropayê re Xavier Bettel re nameyek şandin û xwestin ku ji bo azadiya Rêberê PKK’ê Abdullah Ocalan berpirsyartiyê li xwe bigirin.
TJA’yê deklarasyona xwe ya 8’ê Adarê eşkere kir. Hasîbe Yazdik, got ku ew bi dirûşma “Em li dijî qirkirina jinan serî hildin û berê xwe didin azadiyê” 8’ê Adarê pêşwazî dikin.
Hevseroka Komeleya Lêkolînên Kurdî Remziye Alparslan bal kişand ser girîngiya parastina zimanê kurdî û diyar kir ku daxwaza zimanê dayikê gavek dûr e û hindik maye ev daxwaz bi cih were.
Li Wanê rêya 264 gundan ji ber berfê li hatin û çûnê re hatin girtin.
Dayika 92 salî Enze Tunelî 31 sal in li bendê ye kurê wê ji girtîgehê derkeve. Du caran înfaza kurê wê hat taloqkirin û dayik dixwaze ev zilm bi dawî bibe.
Welatiyên Şirnexê ku 35 sal berê gundên wan bi hinceta "ewlehiyê" hatin valakirin, diyar kirin ku "bi hêviyê" li benda banga Abdullah Ocalan a ji bo vegerê li ser axa xwe ne.
Rojnameger Hêvîdar Henan, hempîşeyê xwe Egîd Roj ê di êrişa dewleta tirk de hate qetilkirin vegot û got: “Egîd Roj komkujiyên li dijî gelê Efrînê dikir belge û berxwedana li Bendava Tişrînê nîşan dide. Lewma hedef hate girtin.”
Siyasetmedar Nasir Yagiz ku di sala 2018’an de ji bo rakirina tecrîda li ser Rêberê PKK’ê Abdullah Ocalan zêdetirî 6 mehan di greva birçîbûnê de ma, got: “Em bi Abdullah Ocalan bawer in û bi hêvî ne. Ev pêvajo dê veguhere muzakereyeke birûmet."
Endamê Şandeya Îmraliyê ya DEM Partiyê Sirri Sureyya Onder têkildarî hevdîtinên li Herêma Federal a Kurdistanê axivî û diyar kir ku dê peyamên van hevdîtinan ji Ocalan re ragihînin.