Dayikên Şemiyê di hefteya 1034’an de li aqûbeta Abdullah Canan pirsîn û gotin: "Heta aqûbeta hemû kesên di şexsê Abdullah Canan de winda bê eşkerekirin wê lêgerîna me ya edaletê bidome."
Li Îdirê bi armanca şermezarkirina êrişên li ser Bakur û Rojhilatê Sûriyeyê meşek hat lidarxistin.
Hevserokê Konseya Rêveber a KCK’ê Cemîl Bayik got ku di pêvajoya piştî hevdîtina bi Rêberê PKK'ê Abdullah Ocalan re daxuyaniyên Serokkomarê AKP’î ne ji bo çareseriyê, ji bo hîn bêhtir kûrkirina pirsgirêkan e.
Hevrêyê Belavkarê Rojnameya Ozgur Gundemê Orhan Karaagar ê 32 sal berê li Wanê hat qetilkirin Xeyrî Çelîk diyar kir ku ew xwedî li mîrateya hevalên xwe derdikevin.
Endamên Înîsiyatîfa Dayikên Aştiyê yên Stenbolê hevdîtina Heyeta Îmraliyê ya DEM Partiyê ya bi Abdullah Ocalan re nirxandin û gotin: "Eger hemû alî wekî birêz Ocalan ji dil û can bin, wê aştî pêk were."
Hevserokê Şaxa SES'ê ya Amedê Mehmet Nur Ulus bal kişand ser êrişên li ser Bakur û Rojhilatê Sûriyeyê û diyar kir ku şer pirsgirêkeke tenduristiya gel e û yên berdêla aboriya ku şer bandorê lê dike didin, kedkar in.
Serokê Giştî yê Partiya Azadî Ayetullah Aşitî, bal kişand ser hevdîtinên ku ji aliyê partiyên kurdî ve ji bo diyarkirina statuya kurdan di rêveberiya ku li Sûriyeyê tê avakirin de hatine destpêkirin û got ku divê kurd yekîtiya xwe ya neteweyî çêbikin.
Di doza Nezîr Tekçî de, ji bo leşkerên bersûc Alî Osman Akin û Kemal Alkan biryara beraetê hat dayîn.
Keça Serokê Komara Mahabadê Qazî Mihemed, Munîre Qazî got ku xeyala bavê wê li Rojava pêk tê.
Fermandarê Giştî yê HSD’ê Mazlum Ebdî têkildarî hevdîtina bi Mesûd Barzanî re daxuyanî da.
Kampanyaya “Ji bo aştiyê milyonek îmze” didome. Di çarçoveya kampanyayê de gelek kesan îmze avêtin.
Di çalakiya li pêşiya Şaredariya Akdenîzê de tayînkirina qeyûm hate protestokirin û wiha hate gotin: “Dê têkoşîna me ya li hemberî xespkirina îradeyê bidome. Ew ê biçin lê em mayinde ne.”
Hejmara rojnamegerên di serdegirtinên malan de hatin binçavkirin derket 6’an.
Ji bo rewşa girtî ya Nevzat Bahtiyar ku di dosyaya cînayetê ya qetilkirina Narîn Guranê de 4 sal û 6 meh cezayê hefsê lê hatiye birîn, îtîraz hate kirin. Îtîraz hate redkirin.