Girtiyê siyasî Mehmet Başaran ku li girtîgehê krîza dil derbas kir û rakiribûn beşa lênihêrîna awarte, dîsa birin girtîgehê. Rêveberiya girtîgehê têkildarî rewşa Başaran agahî neda malbatê.
Li Wanê bi beşdariya sedan kesan li ser Cadeya Cumhuriyetê li dijî tayînkirina qeyûman çalakiya protesetoyî ya “Ji bo îradeya gel rêzgir bin” hate lidarxistin. Bi sedan kesan li ser cadeyê zincîra ji mirovan çêkirin.
Şaxa ÎHD’a Stenbolê rapora xwe ya girtîgehên Herêma Marmarayê eşkere kir. ÎHD’ê got ku li 23 girtîgehan di nava 3 mehan de hezar û 525 binpêkirinên mafan hatine kirin û wiha got: “Li Girtîgeha Îmraliyê 154 binpnêkirinên mafan hatin kirin.”
Berxwedana li Mêrdînê ya li dijî tayînkirina qeyûm di roja sêyemîn de didome. Di berxwedanê de peyama "Em ê heta dawiyê têkoşîn û berxwedana xwe ya li dijî qeyûman bidomînin” hat dayîn.
Li dijî tayînkirina qeyûm a li Şaredariya Êlihê, bi beşdariya hezaran kesan ji sê aliyan ber bi şaredariyê ve meş hat lidarxistin. Di meşê de peyama “Em li vir in, li ser pêya ne, dê li ber xwe bidin. Em ê teqez bi ser kevin hate dayin.”
Baroya Mêrdînê li dijî binpêkirinên mafên kesên di çalakiyên protestokirina qeyûm de tên binpêkirin, stant danî. Serokê baroyê Ahmet Duyan bang li hiqûzanan kir ku li dijî qeyûman dengê xwe derxin.
ÎHD’ê têkildarî tayînkirina qeyûman ji Wezareta Karên Hundir re name şand û wiha got: “Biryara xwe betal bikin.”
Sewqkirina girtiyê nexweş Abdurrahman Gemîcîoglû ji bo ATK’ê hat betalkirin. Hat diyarkirin ku wê raporên Gemîcîoglû dê ji bo ATK’ê bên şandin.
Hevserok û nûnerên partiyên siyasî li Xelfetiyê di çalakiya dijî qeyûm de axivîn û banga berxwedana li dijî qeyûman li her kesî kirin û ev peyam dan: "Qeyûm ne çareserî ye, çareserî li Îmraliyê ye."
Li gorî rapora MKG’ê ya cotmehê, 6 rojnameger hatin binçavkirin, gef li 5 rojnamegeran hate xwarin û êrişa fîzîkî li 3 rojnamegeran hate kirin.
Komeleya Aştiya Civakî û Guftûgoyê hate avakirin. Cîgira Serok Dîlek Akyapi diyar kir ku dê li dijî neheqî, cihêkarî û zextan têbikoşin.
Berxwedana li dijî qeyûm a li Êlihê didome. Berxwedan dê bi meşeke ji sê milan ve bidome.
Li Xelfetiyê berxwedana li dijî qeyûm berdewam dike. Jinek astengdar wiha bertek nîşanî qeyûm da: “Ev der ya me ye. Me dengê xwe da DEM Partiyê. Qeyûm zilm e em vê qebûl nakin.”
Li dijî girtina Şaredarê Esenyurtê Prof. Dr. Ahmet Ozer ku qeyûm tayînî şûna wî hatibû kirin, îtîraz hat kirin.
Li gorî nûçeya Fox Newsê, di hilbijartinên DYA’yê de namzetê Komarparêzan Donald Trump bi ser ket.