Piştî ku li Girtîgeha Tîpa F a Hejmara 2’yan a Kiriklarê midûr hate guhertin binpêkirin zêde bûn. Endama OHD’ê Fatma Demîrer, anî ziman ku ji bilî sewqan parastinên girtiyan, nîşeyên şexsî û pirtûkên wan hatine desteserkirin.
Tecrîda mûtleq a li Îmraliyê kete meha 41’emîn. Di vê serdemê de 574 serlêdanên ji bo hevdîtina bi Abdullah Ocalan re hatin kirin bê encam man.
Hevserokê MED TUHAD-FED’ê Kerem Canpolat, diyar kir ku li dijî tecrîda li Îmraliyê di nava amadekariya planeke çalakiyê ya nû de ne û anî ziman ku bi şandeyên ku ava bikin dê di her platformê de tecrîdê bînin rojevê.
Derhêner Omer Leventoglû û kameraman Huseyîn Alturk ên piştî wesayîta wan hate sekinandin ji aliyê kesên ku xwe weke polîs dan nasîn ve hatin revandin, agahî ji wan nayê wergirtin.
Di çalakiya nobetê ya Hêzên Ked Aştî û Demokrasiyê didomînin de ev bang hate kirin: “Em ji vir bang li desthilatê dikin, şaredaariyê bide yên bi ser ketî.”
Cenazeyê şivanê bi navê Bedrettîn Duzen ê dema li Qada Cîlo Sat a gundê Weregoz ê girêdayî navçeya Geverê pezê xwe diçerand di encama teqîna cismekî de jiyana xwe ji dest da hate veşartin.
Şewata di saetên serê sibê de li navçeya Depê derket hate kontrolkirin.
Li Girtîgeha Tîpa D a Denîzliyê ya li navçeya Honazê qismekî girtiyên ji ber xwarinê jehrî bûn rakirin nexweşxaneyê. Malbatên ku xwestin ji zarokên xwe agahiyê wergirin çûn ber deriyê nexweşxaneyê.
Parlamenterê AKP’ê Adil Karaîsmaîloglû, li Meclisê kulm li parlamenterê DEM Partiyê Alî Bozan xist.
Hat destnîşankirin ku li Efrîna di bin kontrola Tirkiye û hêzên paramîlîter ên girêdayîn wê de, 3 Efrînî hatin revandin.
DEM Partiyê li dijî girtina Hevserokê DEM Partiyê yê Navçeya Navendî ya Semsûrê Yûsûf Ozperçîn îtîraz kir.
Li Çewligê kesê bi navê Emîrcan Zazaoglû ku tê îdiakirin tiryakkêş e, bi kêran êriş kir. Di êrişê de 2 kes hatin kuştin û 7 kes birîndar bûn.
Welatiyên navçeya Pasûrê kemçeyên ji bo xebatên madenê anîn Zoma Hasandinê dan sekinandin û bertek nîşan dan.
Dayika Hevserokê Giştî yê DEM Partiyê Tuncer Bakirhan, Îpek Bakirhan li Qersê hate definkirin.