Cîgirê Berpirsê YNK’ê yê Dihokê Yunus Akreyî derbarê armanca hatina artêşa tirk ya nav axa Herêma Kurdistanê de got ku “Dewleta tirk naxwaze statuyeke gelê kurd hebe” û bang li partî û aliyên siyasî yên her çar parçeyên Kurdistanê kir ku li dijî dagirkeriyê helwestek yekgirtî nîşan bidin.
Li Şengalê di encama êrişeke hewayî de nûçegihanên Çira TV û Çira FM'ê jî di nav de 3 kes birîndar bûn. Hate ragihandin ku rewşa yek ji birîndaran giran e.
“Meşa Rêzgirtina ji Îradeyê re” di roja 9’emîn ango roja dawî de berdewam dike. 10 kîlometre ma ku meşvan bigihîjin navenda Colemêrgê. Di daxuyaniya hat dayîn de banga têkoşîna li dijî qeyûm hat kirin.
Prof. Dr. Cenap Ekîncî diyar kir ku xelkê Amedê di serdema koronayê de ji bo cerebeyeke ku li ser heywanan nehatiye bikaranîn weke “kobay” hatiye bikaranîn. Ekîncî, da zanîn ku kesê bi balafireke taybet hatiye Amedê jî M.S. ye ku xizmê wezîrekî ye.
Ji ber barana zêde li Wan, Erzirom, Mûş, Agirî û Qersê lehî rabûn. Ji ber lehiyê xesarên madî çêbûn û li Mûşê Nazar Karataş di lehiyê de jiyana xwe ji dest da.
Hejmara hilbijêrên Herêma Kurdistanê hatin eşkerekirin. Li gorî Komîsyona Bilind a Serbixwe ya Hilbijartinên Iraqê li herêmê 3 milyon û 789 hezar hilbijêr hene.
RTUK’ê lîsansa Açik Radyoyê betal kir. Li dijî vê yekê bi tevlibûna gelek rewşenbîr, nivîskar û rojnamegeran kampanyaya îmzeyan hate destpêkirin.
Kesên di “Meşa Rêzgirtina ji Îradeyê re” cih digirin, piştî îro ber bi navenda Colemêrgê ve meşiyan dê daxuyaniyeke girseyî bidin.
Li Deriyê Sînor ê Xêbûrê heqê parkkirinê û kişandina barê TIR û kamyonan hat bihakirin.
Nivîskarê Rojnameya Xwebûnê Gabrîel Başo di nivîsa xwe de bal kişand ser geşedanên li Herêma Kurdistanê û wiha got: "Niha artêşa NATO, PDK û Iraq dibin yek û êrîş dikin. Hewl didin kurdan parçe bikin, belav bikin, koçber bikin."
Li navçeya Cizîrê di navbera polîsan û ajokarekî de nîqaşa “rêdayînê” derket. Polîsan îdia kirin ku mafê derbasbûnê rêyê yê ewil ê wan e.
Li gundê Bilexşê yê Kercewsê 15 rojan operasyona leşkerî berdewam kiriye. Piştî operasyonê me xwe gihand gund. Kes li gund nemaye. Gundiyan tiştên li gund qewimîne wek “qiyametê” nirxandin.
Hevseroka Daîreya Têkîliyên Derve ya Bakur û Rojhilatê Sûriyeyê Îlham Ehmed diyar kir ku heke çareserî ji bo tevahiya Sûriyeyê be dê pêkan be. Ehmed, anî ziman ku şertê vê yê ewil jî vekişîna Tirkiyeyê ya ji herêmê ye.
Li navçeya Cizîrê wesayîtekê li keriyê pez xist. Di qezayê de şivanî jiyana xwe ji dest da.
Li gorî rapora Midûriyeta Giştî ya Meteorolojiyê tê payîn ku li 13 bajaran dê baraneke zêde bibare.