Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, dernakevin hevdîtin û telefonên malbatê û dadgehan boykot dikin. Çalakiya girtiyan di roja 214’emîn de didome.
Hevseroka KCDK-E'yê Zubeyde Zumrutê diyar kir ku ew di warê pêkanîna azadiya fizîkî ya Abdullah Ocalan de bi biryar in û got: "Me dît ku gelan bi qasî kurdan xwedî li birêz Ocalan derketin. Xeta têkoşînê ya ku me ava kiriye her diçe mezintir dibe."
Li herêma Komate ya navçeya Elkê ji aliyê cerdevanan ve di bin çavdêriya leşkeran de birîna daran hat destpêkirin. Bi hezaran darên hatine birîn bi traktoran li ber kuleyên leşker û cerdevanan tên komkirin.
Şandeya DEM Partiyê ya ji endamên hilbijartî yên ji Wan û Agiriyê pêk tê, li dijî desteserkirina îradeyê li Colemêrgê çalakiya nobetê hate destpêkirin.
Siyasetmedar Leyla Guven ku di girtîgehê de ye, ji bo 16 nûnertiyên sefaretxaneyên Enqereyê name şand û di nameyan de diyar kir ku divê ji bo çareseriya pirsgirêka kurd demildest bikevin nava tevgerê.
9 ciwanên endamên Meclisa Ciwanan a DEM Partiyê ku hatibûn girtin, piştî îdianameya wan ji aliyê 19’emîn Dadgeha Ceza Giran a Enqereyê ve hat qebûlkirin, bi tensîpê hatin tahliyekirin.
Di danişîna doza KOmkujiya Garê de ku DAIŞ'ê pêk anîbû û 103 jiyana xwe ji dest dabûn, biryar nehat dayîn û danişîn taloqî 1'ê Tîrmehê hat kirin.
Li Cizîrê trafo teqiya û di encama teqînê de şewat derket.
Di doza Komkujiya Garê de malbatan bertek nîşanî şandeya dadgehê dan. Parêzeran jî wiha gotin: “Heke komkujiyek neyê ronîkirin, teqez têkiliya wê bi dewletê re heye.”
Şeyma Onal a OHD’î destnîşan kir ku di girtîgehên li Herêma Marmarayê de tecrît, tundiya fîzîkî û derûnî zêde bûye û wiha got: “Divê tecrîda derveyî hiqûqê ya li ser Abdullah Ocalan tê sepandin were rakirin, gav bên avêtin.”
Waliyê Amedê Alî Îhsan Su ji ber temenê xwe yê mezi teqawid bû. Li şûna wî jî Cîgirê Walî Abdullah Çîftçî hate tayînkirin ku weke qeyûm hatibû bajar û weke “Qeyûm Veşarî” yê Şaredariya Bajarê Mezin a Amedê dihat zanîn.
Li Başûrê Kurdistanê dîroka hilbijartinên parlamentoyê yên ev 2 sal in tê taloqkirin dê di 20’ê cotmehê bên lidarxistin.
Şaredariya Bajarê Mezin a Amedê bi dirûşma “Em plansaziya paşeroja xwe bi hev re dikin” dê li pêşiya avahiyê şaredariyê ji sibê pê de rojên gel li dar bixe.
Waliyê Mêrdînê û AKP’î çûbûn şîna li navçeya Şemrexê û DEM Partiyî hedef girtibûn. Yek ji gundiyên di dîmenan de cih digirt Mecît Demîr wiha got: “Li gorî xwe werger kirine. Ez ê çawa bibim alîgirê AKP’ê? Bila min bibin Meclisê ez ê heman tiştan li wir jî bibêjim.”