Di karesata keştiyê ya li Gola Wanê de ku 61 kesan jiyana xwe ji dest dan, cezayê ji bo kaptanê keştiyê Medenî Akbaş ji hezar û 30 salî heta hezar û derket 50 sal û 9 mehan. Di biryarê de wek sedem jî gelek îhmal hat nîşandan.
Li dijî Şaredariya Bajarê Mezin a Stenbolê di çarçoveya lêpirsinê de der barê 47 kesên ku di nav de şaredar jî hene biryara binçavkirinê hat dayîn.
Ciwanê bi navê Veysî Ozturk ku hat îdiakirin întîhar kiriye, jiyana xwe ji dest da.
DEM Partiyê ji bo namzetiya Cengîz Çandar a ji bo Serokatiya Meclisê serlêdana fermî kir.
Der heqê rojnamevan Yildiz Tar a di lêpirsîna HDK'ê de girtî ye biryara tehliyeyê hat dayîn.
Hat zanîn ku namzetê Serokatiya Meclisê yê DEM Partiyê Cengîz Çandar e.
Di danişîna doza qetilkirina Temer Temel de ku li Elkê di êrişeke çekdarî de hate kuştin, ji bo 3 bersûcan biryara desteserkirinê hate dayin.
Malbat û wasiyê Rêberê Gelê Kurd Abdullah Ocalan ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Lêgerîna petrolê ya li Çiyayê Gabarê, çêkirina kalekolan û bi qirkirina daristanan re qadên jiyanê yên Xezal û Pezkoviyan tune dikin.
Prof. Dr. Mehmet Bekaroglû diyar kir ku divê hemû derdorên civakî tev li pêvajoyê bên kirin û got: “Aştî dê ji bo hemû kesê li vî welatî dijîn bibe desteftiyek. Divê zimanê aştiyê were avakirin û ji gel re were vegotin.”
Dîroknas Yektan Turkyilmaz diyar kir ku ji bo çareseriya pirsgirêka Kurd pêwîstî bi çareseriya du alî heye û wiha got: “Divê daxwazên ji bo rêveberiya xwecihî yên li herêmên bi giranî Kurd lê dijîn bên bicihanîn û ji bo çareseriyeke mayînde demokrasî esas e.”
Danişîna 4’emîn a doza 15 kesên di cînayeta Narîn Guranê de ji ber sûcê “Veşartina sûcdaran” tên darizandin, dest pê kir.
Li girtîgehên herêma Çukurovayê 11 jê giran bi giştî 46 girtiyên nexweş hene. Mehtap Sert a ÎHD’î got ku divê girtiyên nexweş tavilê bên berdan.
Hizne Arslan ku 9 sal in li cenazeyê keça xwe û 30 sal in jî li cenazeyê mamê xwe digere, wiha got: “Ez ê kujeran efû nekim. Lê ez ê ji bo aştiyê her tiştekî bikim. Bila êdî dilê tu kesên din neşewite.”