Parlementera HDP’ê Ayşe Acar Başaran ji Wezareta Dadê ya ku gotibû "tecrîd di çarçoveya pirsên nayên pirsîn” de ye pêşniyazpirseke din da û pirsa “Penasekirina we ya tecrîd û îzolasyonê çiye?” kir.
Cîgirê Hevserokên Giştî yên HDP’ê yê ji Hiqûqê û Mafê Mirovan Berpirsiyar Umît Dede diyar kir ku di roja 100’emîn de greva birçîbûnê didome û heta daxwazên girtiyan werin qebûlkirin ew ê jî têbikoşin.
Hevserokên Giştî yên HDP’ê Pervîn Bûldan û Mîthat Sancar diyar kirin ku hewldanên fezlekeyan û girtina partiya wan dê krîzên heyî hin bêtir kûrtir bikin û ji bo çareseriyê îşaretî tifaqa demokrasiyê kirin.
Serokwekîlên Koma HDP’ê Sarûhan Olûç û Meral Daniş Beştaş, fezlekeyên destnedayînê weke “kompasa siyasî” nirxandin û gotin: “Hevparên desthilatdariyê, ji bo ku HDP’ê bêdeng bikin û ji siyaseta demokratîk tesfiye bikin, kompasa ku amadekirine, dewam dike.”
Komxebata Tifaqa Kurdistanî bertek nîşanî nîqaşên girtina HDP'ê da û bang li gelê kurd û hemû hêz û partiyên Tirkiyê ku bi demokrasiyê bawer in kir ku bibin piştevanê HDP'ê û xwedî lê derbikevin.
Parlamentera HDP’ê ya Mêrdînê Pero Dundar ku derbarê wê de fezleke hatiye amadekirin, li gel ku wê demê di girtîgehê de bûye ji bûyerên ku di sala 2013’an de li Licê hatibûn destpêkirin berpirsyar hat dîtin.
Parlamenterê HDP’ê yê Êlihê, Mehmet Ruştu Tîryakî, diyar kir ku Dadgeha Bilind bi zexta desthilatê li dijî partiya wan lêpirsîn daye destpêkirin û hêvî nakin ku Dadgeha Destûra Bingehîn derbarê biryara girtinê bide.
Serokê Giştî yê TÎP'ê Erkan Baş, anî ziman ku îqtîdar hewl dide dengê muxalefetê qut bike û wiha got: “Ev der (meclîs) dê nebe studyoya A Haberê."
Hevserokê Giştî yê HDP'ê Mîthat Sancar di komcivîna partiya xwe de axivî û wiha got: "Dawiya dawî HDP wê bibe hevparê rêveberiya vî welatî. Em ê biharê bînin welêt."
Di ser darbeya 2'ê Adarê ya li dijî DEP'ê re 27 sal borîn. Têkildarî salvegera darbeyê siyasetmedar Sirri Sakik, nirxandin kir û got: "Ne 27 sal, 47 sal derbas bibin û partî bên girtin jî dîsa pirsgirêka Kurdan didome. Mixabin hêj di polîtkayên şaş de israr dikin.
Hevserokê Giştî yê HDP’ê Mîthat Sancar bi alimên olî re civiya û wiha got: “Heta ku edalet pêk neyê, başî jî pêk nayê. Heke em werin ba hev, em dikarin xerabiyê ji holê rakin.”
Berdevka HDP'ê Ebrû Gunay anî ziman ku Mutabaqata Dolmabahçeyê riya çareseriyê û aştiyê ye û îqtidarê vê firsenda dîrokî kir qurbanê desthilatdariyê.
Di warê çareserkirina pirsgirêka kurd de heya niha gava herî dirêj di sala 2015'an de bi îmzekirina Peymana Dolmabahçeyê re hatiye avêtin. Cîgirê Hevserokatiya HDP'ê Tayip Temel got: "Niha tişta divê bê kirin, cardin vegera li metna peymanê ye."
HDP'ê li Riha û navçeya Qelqeliya Wanê kongreyên xwe li dar xist. Cîgirê Hevserokên Giştî yê HDP’ê Tûncer Bakirhan ê di kongreya Rihayê de axivî û got: “Em ê zêdetir li ber xwe bidin, xwe bi rêxistin bikin. Ji ber ku em mafdar in. Yekane hêza ku van têk bibe em in.”
Hevseroka Giştî ya DBP’ê Salîha Aydenîz li Qoserê di çarçoveya xebatên yekîtiya neteweyî de tevî astengiyan jî di daxuyaniya girseyî de axivî û got: “Tecrîda li Îmraliyê çawa li tevahiya Tirkiyê belav bûye em li Qoserê dibînin. Li tavilê divê deriyê Girtîgeha Îmraliyê vebibe.”