Berdevka HDP'ê Ebru Gunay, serdegirtina polîsan a KCD'ê û binçavkirina siyasetmedarên Kurd ermezar kir û got: "Ev encama polîtîkayên li dijî Kurdan e. Ji ber AKP dijminantiya Kurdan dike di çend salên dawî de hewl didin ku KCD'ê kriminalize bikin."
AKP, ji bo pakêta ku dixwaze pê rêxistinbûna baroyan biguherîne, dê serdana CHP, HDP û IYÎ Partiyê bike.
Daxwaza HDP’iyan a zêdekirina 15’ê Gulanê Roja Cejna Zimanê Kurdî ya li Roj û Hefteyên Diyarkirî, ji aliyê Wezareta Perwerdeya Neteweyî ve bi hinceta “Ji Destûra Bingehîn re ne guncav” e hat redkirin.
Hevserokê Giştî yê HDP’ê Mîthat Sancar diyar kir ku ew ji bo dîwarê tirsê hilweşînin meşiyan û derbarê meşa baroyan de jî got: “Tişta ku baro jî dikin ev e. Baro jî ji bo qefesa hesin li wan tê ferzkirin red bikin dimeşin.”
Rojnameger Alan Meîş li ser xebatên yekîtiya partiyên Kurdan ên li Rojva û polîtîkayên li dijî yekîtiya Kurdan rawestiya û diyar kir ku xebatên yekîtiya li Rojava dikare ji bo yekîtiya partiyên Başur bibe mînak. Meîş, bal kişand ser polîtikayên li dijî yekîtiyê jî û got: "Tirkiye, Îran û Rejîma Sûriye naxwazin Kurd yekîtiyê pêş bixin. Li aliyê din balyozxaneya Amerîka li Sûriyê bi daxuyaniyekê lihevkirina destpêkê ya ENKS’ê û PYNK’ê pîroz kir."
Wekîlê Serokên Koma HDP'ê Saruhan Oluç, bertek nîşanî astengkirina Serokên Baroyan da û got: "Partiya di nava navê wê de edalet heye êrîşê edaletê dikin."
Partiyên Yekitiya Nîştimanî ya Kurdî êrişên Tirkiyeyê yên li ser Herêmên Federe ya Kurdistanê şermezar kirin û bang li hêzên Kurd û kurdistanî kir ku bibin yek. Yekîtiya Niştiman bang li gelê Kurd ên li hundir û derveyî welêt jî kir xwest têkoşîna xwe mezin bikin û dakevin qadan.
Berdevka HDP'ê Ebru Gunay, têkildarî geşedanên dawî civîna çapemeniyê li dar xist û êrîşên li dijî Herêma Federe a Kurdistanê bi tundî şermezar kir. Gunay, anî ziman ku bi boneya yekitiya Kurdan a li Rojava asteng bikin van êrîşan dikin û got: "Li dijî gelê Kurd operasyonên înkar û îmhayê tên meşandin. Ji ber van êrîşan, yekîtiya Kurdan bi qasî jiyanê girîng e."
Parlamenterê CHP’ê Sezgîn Tanrikûlû, Gulîstan Dokû ya ji 5’ê Çileyê ve nayê dîtin bir rojeva Meclîsê û pirsa “Îzaha nedîtina Dokû çiye?” kir.
Meşa HDP'ê ya "Li dijî darbeyan Meşa Demokrasiyê" ku ji milê Colemêrgê û Edîrneyê di 15'ê Tîrmehê dabû destpêkirin duh li Enqereyê bi dawî bû. Têkildarî meşê parlamenterê HDP'ê Musa Pîroglu û Endamê MYK'ê yê HDP'ê Velî Saçilik axivîn. Meşvanan anîn ziman ku ev despêka çalakiya demdirêj e û wiha gotin: "Yên AKP'ê çekên wan, yên HDP'ê jî gel heye.
Hevserokên Giştî yên HDP'ê Pervîn Bûldan û Mîthat Sancar, piştî meşê "Danezana Meşa Demokrasiyê ya HDP'ê" daxuyandin. Bûldan û Sancar gotin: "Civak, gelên me hemûya helwesta HDP'ê, helwesta wê ya di siyaseta demokratîk û sekna wê ya ku tawizan nade dît. Bi vî awayî biryardariya gelê me, vîn û hêviya gelê me mezintir bû."
“Meşa Demokrasiyê” ya HDP’ê ku ji Colemêrg û Edîrneyê dest pê kir, tevî hemû astengî, qedexe û mudaxileyan jî gihîşt Enqereyê.
DBP'ê têkildarî "Meşa Demokrasiyê" ya HDP'ê daxuyaniyek belav kir û got meşa demokrasiyê tirsek mezin xistiye dilê îqtîdarê.
Hevseroka Giştî ya DBP’ê Salîha Aydenîz, ji bo “Meşa demokrasiyê” ya 6 rojan dewam kir wiha got: “Ji kolanan bigirin heya serdanên me yên rêxistinên civaka sîvîl me dît ku ev meş gehiştiya armanca xwe.”
Rêxistina HDP'ê ya Mêrdînê têkildarî îstîfaya 3 endamên meclîsa Şaredariya Midyatê yên tu derbasî AKP’ê bûn, diyar kir ku dê gel bersîva wan bide wan.