Parlementerê HDP'ê yê Dîlokê Mahmût Togrûl, bilêv kir ku îktîdara AKP'ê ji bo muxaleetê bitepisîne DAIŞ'ê wekî amûrekê bi kar tîne û got, her kes şahidê komkujiyên DAIŞ'ê ye.
Wekîla Serokên Koma HDP'ê Fatma Kurtulan, diyar kir ku êrîşa Tirkiye ya li ser Bakur û Rojhilatê Sûriyeyê dagirkerî ye û wiha got: "Li pêş çavê cîhanê li ser axa Bakur û Rojhilatê Sûriyeyê komkujî kirin."
Berdevkê Kremlîn Dmîtriy Peskov got ew naxwazin li ser îhtîmala pevçûnêk bi Tirkiyê re jî bifikirin.
Hevberdevka HDK'ê Gulistan Kiliç Koçyigît, diyar kir ku bloka AKP-MHP'ê li dijî aqilê aştiyê aqilê şer xistine meriyetê û wiha got: “Em mecbûr in bi qasî yên şer dane destpêkirin ji bo aştiyê bi wêrekî tev bigerin. Ger ku îro em bitirsin û serê xwe têxin bin xîzê, em ê sibê nikaribin li ruyê zarokên xwe binerin."
Rêveberê TEV-DEM`ê Aldar Xelîl, têkildarî êrîşên OSO û TSK'ê yên li dijî axa Bakur û Rojhilata Sûriyeyê, xwest cîhan baş rastiya êrîşên li dijî wan zanibe û wiha got: "Divê cîhan baş zanibe ku dewleta tirk ne bi tenê, bi çeteyên DAIŞ`ê êrîşî me dike."
Parlamentera HDP’ê Ayşe Acar Başaran bertek nîşanî binçavkiriyên têkildarî êrîşên ser Rojava da û got: “Xwedî derketina aştiyê ne sûc e. Roj roja deng derxistinê ye.”
Hevserokê HDP’ê Sezaî Temellî hişyariya îktîdara AKP’ê Tirkiyê ber bi hilweşandinê ve dibe da û bang li her kesî kir ku bikevin pêşiya şer û li dijî şer neiyek demokratîk were avakirin.
Hevserokê Giştî yê HDP'ê Sezaî Temellî, CHP ya ji tezkereyê re got ‘erê' rexne kir û wiha got: “Şopdariya nijadperestiya bê kok û piştgiriya polîtîkayên şer, zerardayîna herî mezin a vî welatî ye. Divê îktîdar dawî li van polîtikayên şer bîne."
Parlamentera HDP’ê ya Edeneyê Tulay Hatîmogullari, bertek nîşanî operasyona TSK'ê ya li dijî Bakur û Rojhilatê Sûriyeyê da û xwest her kes li dijî şer aştiyê biparêzin û wiha got: "Li Sûriyeyê çareseriya herêmê bi aştî û diyaloga demokratîk pêkan e."
Hevserokên Giştî yên HDP'ê Sezaî Temellî û Pervîn Buldan, operasyona TSK'ê ya li dijî axa Bakur û Rojhilatê Sûriyeyê şermezar kir û gotin: “Em ê bê fikar, li dijî vî şerê dijhiqûqî û nerewa bi gelê xwe û hêzên demokratîk ên Tirkiyeyê re, rawestin. Em li dijî şer bibin dengê gelê Rojava."
Hevserokê Giştî yê HDP'ê Sezaî Temllî li dijî operasyona Tirkiyeyê ya li hemberî Bakur û Rojhilatê Sûriyeyê banga navneteweyî kir û ev tişt got: "Em bang li YE û NY'yê tev dikin û dibêjin ji polîtîkayên şer ên Erdogan bibêjin rawest e. Wisa bi daxuyaniyên kurt na. Bibêjin rawest e. Belê bibêjin rawest e."
MYK’a HDP’ê berî operasyonek muhtemel a li dijî Bakur û Rojhilatê Sûriyeyê, wê bi awayekê awarte bicive. Di civînê de wê helwesta HDP’ê bê diyarkirin.
Wekîlê Serokê Koma HDP’ê Sarûhan Olûç diyar kir ku operasyonek muhtemel a li dijî Rojava ne çareseriye û got: “Îtîfaqa AKP-MHP’ê li ber têkçûnê ye. Dixwazin îktîdara wan a ku diheje bi operasyonek eskerî ya li dijî Sûriyê qehîm bikin.”
Berdevkê HDP’ê Gunay Kubîlay diyar kir ku hedef nîşandana Kemal Kiliçdaroglu ya ji aliyê Devlet Bahçelî ve pêk tê “operasyona bêdengkirina CHP’ê ye” û ji ber nikaribûn HDP’ê tecrîd bikin niha jî berê xwe dane CHP’ê.”
Endama Koordînasyona Kongreya Star Asya Abdullah, têkildarî amadekariyên konferansa 3'emîn, diyar kir ku hevdîtinên wan gelek erênî pêk hatin. Abdullah, destnîşan kir ku Konferansa Jinên Kurd wê bibe bingeh û amadekariya Konferansa Neteweya Kurd û Kurdistanê jî. Abdullah, konferansa CHP'ê ya Neteweya Sûriyeyê jî nirxand û got: "Dema pirsgirêkek tê niqaşkirin divê xwediyê wê pirsgirêkê jî li wir amade be. Yên ji bo çareseriyê têdikoşin ne amade ne. Ji ber vê yekê ev tim seqet û bê encam dimîne."