Hevberdevka Partiya Çepên Kesk Çîgdem Kiliçgun Uçar diyar kir ku di çareserkirina pirsgirêka kurd a bi rêyên demokratîk de aktorê herî girîng Rêberê PKK’ê Abdullah Ocalan e û wiha got: “Heke Ocalan bikeve dewrê, dê ji wê kêliyê ve tu rewatiya vê îktîdarê û şer nemîne.”
Hevserokê Giştî yê HDP’ê Mîthat Sancar di civîna PM’a HDP’ê de axivî û wiha got: “Mijara me ya sereke dayîna biryara kongreya awarte ya HDP’ê ye. Dê HDP rêbazên ku sazûmaniya xwe bidomîne û tecrûbeyên xwe derbasî Partiya Çepên Kesk bike nîqaş bike.”
Partiya Çepên Kesk ji bo Fermana 74’an weke “qirkirin” bê qebûlkirin, pêşniyarqanûn da Meclisê.
Endamê MYK’a Partiyê Çepên Kesk Cahît Kirkazak bertek nîşanî Diyanetê da ku dixwaze tev li doza Kobanê bibe û anî ziman ku desthilat, Diyanetê weke amûrekê bi kar tîne.
Di civîna Lijneya Rêveber a Navendî ya HDP'ê û Partiya Çepên Kesk de biryar hat girtin ku dê HDP kongreya awarte li dar bixe û Partiya Çepên Kesk jî dê di dawiya meha Îlonê de navê xwe û tuzuka xwe biguherîne.
Parlamenterê Partiya Çepên Kesk Serhat Eren, diyar kir ku civînên gel dê şekil bidin siyaseta wan û wiha got: “Em tifaqên xwe mezin bikin li kolanan, taxan û gundan siyasetê bikin û gelê xwe bi rêxistin bikin.”
Endamê Lijneya Rêveber a Navendî ya DBP'ê Bunyamîn Şeker, anî ziman ku xebernegirtina ji Rêberê PKK'ê Abdullah Ocalan encama polîtîkayên şer e û got ku divê tecrîd ji holê bê rakirin.
Hevserokê HDP’a Mêrsînê Hoşyar Sariyildiz diyar kir ku wan ji civînên gel ên ku bi dawî kirine encamên erênî wergirtine û got ku ew ê di pêvajoya biryardayînê de bi gel re biaxivin û derbasî pêvajoyeke xurt bibin.
Parlamenterên Partiya Çepên Kesk, anîn ziman ku di civînên gel ên Botanê de, nêrîna hevpar ew e ku heya tecrîda li ser Rêberê PKK'ê Abdullah Ocalan neyê rakirin dê pirsgirêk çareser nebin.
HDP û Partiya Çepên Kesk li Esentepeyê civîna gel li dar xist û li rexne û pêşniyazên gel guhdar kir.
Di civîna gel a Partiya Çepên Kesk û HDP’ê ya li navçeya Tûşba ya Wanê de hat gotin ku têkoşîna birêxistinkirî dê gelê kurd bi ser bixîne û wiha hat gotin: “14’ê Tîrmehê, berxwedana mezin a zindanê, rêya me ronî dike.”
Hevseroka KNK'ê Zeyneb Murad diyar kir ku hêzên hegemonîk projeya Abdullah Ocalan a netewa demokratîk weke xetereyê li ser xwe dibînin û got ku hêmana bingehîn a ku wê tecrîdê di sedsala Lozanê de rake yekitiya neteweyî ya kurdan e û got: "Projeya birêz Ocalan ji bo tevahiya gelan û baweriyan weke mifteya çareserî û azadiyê ye."
Partiya Çepên Kesk ji bo ronîkirina Komkujiya Zîlanê ku zêdetirî 15 hezar kes hatibûn qetilkirin, xwest ku komîsyona heqîqetê were avakirin.
Endamê Meclisa Partiyê yê HDP'ê Cengîz Topbaşli diyar kir ku civînên gel ên di çarçoveya pêvajoya avakirina serdema nû de pêk tên hêvî didin wan û destnîşan kir ku ew navenda siyaseta Rêya Sêyemîn in û ew ê bi civînên tematîk van xebatan bidomînin.
Hevberdevka Partiya Çepên Kesk Çîgdem Kiliçgun Uçar di komcivîna li Meclisê de bal kişand darizandina rojnamegerên kurd û got: "Pêdiviya vê civakê bi çapemeniyek rasteqîn û rastiyan heye. Hevalên me yên kedkarên çapemeniyê ji ber rastiyan nivîsandine, 13 meh in girtî ne."