Penaberê Kurd Behzad Mahmudî yê ji ber biryara darvekirinê ji Îranê îlticayî Hewlêrê kiribû, ji ber polîtîkayên PDK'ê yên li dijî penaberan li ber Ofîsa Neteweyên Yekbûyî agir berdabû bedana xwe, jiyana xwe ji dest da.
Rêxistinên Ciwanan, bi gotina “Bîranîna şehîdên şoreşê ne sûc e” bertek nîşanî binçavkirina kesên xwestin şoreşgerên di meha Gulanê de jiyana xwe ji dest dane bi bîr bînin dan.
Li Dersimê, hat îdîakirin ku Mûrat Yildiz ê berî 2 rojan çû zozanan, di êrişa bombebarana balafirên şer de jiyana xwe ji dest da. Malbata Yildiz a ku ji bo wesayîta aydê kurê xwe teşxîs bike bangî qereqolê hat kirin, ji bo testa DNA’yê wê biçe Meletiyê.
Omer Farûk D. yê ku ji bo êm bide kevokên xwe derket serban, ket û jiyana xwe ji dest da.
Li Navçeya Karatay a Konyayê ciwanê 21 salî Halil G., jinbira xwe birîndar kir û pismamê xwe kuşt.
Li Amedê, ciwanê 22 salî Şeyhmûs Turfan, ji ber sedemên aboriyê întîhar kir.
7 endamên Meclîsa Ciwanan ên HDP’ê yên hatibûn girtin, piştî 5 mehan hatin berdan.
Li Kayseriyê ciwanê kurd Adem Ertene yê 19 salî ku ji hêla 4 kesan ve hat kêrkirin, jiyana xwe ji dest da.
Dadgeha Ceza ya Musilê, bi hinceta ku 2 ciwanên ereb kuştine derbarê 4 ciwanên êzidî de biryara darvekirinê da. Şengalê li dijî biryarê çalakî li dar dixin û dixwazin biryar bê betalkirin.
Hat îdiakirin ku Vedat Eblem li mala xwe bi awayekî daliqandî hat dîtin.
Li gundê Gelêmûs ê navçeya Qilêbanê ciwanê 20 salî yê krîza dil derbas kir, jiyana xwe ji dest da.
Endamê Meclîsa Ciwanan a HDP'a Edeneyê Selman Şen, anî ziman ku ev demeke tê şopandin, sîxurtî lê tê ferzkirin û gef lê tên xwarin. Şen, serî li ÎHD'ê da.
Meclîsa Ciwanan a HDP’ê rapora binpêkirinên mafan a sala 2020’an eşkere kir. Parlamentera HDP’ê Dersim Dag a ku raporê parve kir destnîşan kir ku ciwan li Tirkiyê di armanca polîtîkayên “şerê taybet” de ne û hikumet ji ber van polîtîkayan welat ber bi tariyê ve dibe.
Cîgirê Serokê Baskê Ciwanan ê AKP’ê yê Amedê Vedat Demîrtaş, li ser medya civakî bi wêneyên cebilxaneya çekan û kalaşnîkofê gef li amîralên teqawîd ên têkildarî Peymana Montroyê de danezan weşandibûn xwar.
Li navçeya Cizîrê kamyona çopê ya şaredariyê li 2 ciwanan xist.