Komeleya Ekolojiyê û Platforma Ked û Demokrasiyê ya Amedê ku bal kişandin ser qirkirina ekolojiyê ya li Baxçeyên Hewselê û Çemê Dîcleyê, bang li rayedar û berpirsan kirin ku demildest dawî li vê talanê bînin.
Ekolojîst Ridvan Ayhan diyar kir ku ji ber neberpirsyariya rayedaran, petrola ham tevî Çemê Êlihê bûye û wiha got: “Cihê ku av lê derbas dibe boru bi cih kirine. Ev yek xerabiyeke li dijî xweza û jiyana mirovan e. Divê rayedar dev ji xeletiyên xwe berdin.”
Hevserokê ÇEV-DER’ê Alî Kalçik diyar kir ku ji ber krîza avhewayê barîn kêm bûne û wiha got: “Di dîrokê de cara ewile ku Gola Wanê ewqas vedikişe.”
Li kesê ku li Çiyayê Cûdî nêçîra pezkoviyan dikir 261 hezar TL cezayê pereyan hate birîn.
Zanîngeha Dîcleyê bi hinceta çêkirina kanalîzasyona di nava kampûsê de, 100 darên çamê ji rihê ve rakir.
Rexistinên Ekolojiyê bal kişandin ser biryarnameya Erdogan ku ji bo “avakirina” herêmên erdhejê derxistibû û wiha gotin: “Banga me ji bo hemû partiyên muxalîf ew e ku ji bo betalkirina vê biryarnameyê serî li AYM’ê bidin.”
Berdevkê Wezareta Çavkaniyên Avê ya Iraqê da zanîn ku dewleta tirk ji sedî 75’î ava tê Iraqê dibire.
Giravok û fetlokên Çemê Dîcleyê yên di nava Baxçeyên Hewselê re derbas dibin, ji bo çandiniyê tên tijekirin. Rayedar jî xwe li nedîtinê datîn.
Ji dîwarê bendava li gundê Nêrweh ê navçeya Qileban hatiye çêkirin av tê. Bi dehan gundên nêzî bendavê jî bi fikar in. Parlamenterê HDP'ê Huseyîn Kaçmaz ji bo ku Wezareta Daristan û Çandiniyê bibersivinê beriya niha pêşniyazpirsek pêşkeş kiribû lê Wezaretê tevî dîmenan jî di bersiva xwe de îdia dike ku dîwarê bendavê nederiziye û ji bo jîngehan xetere nîne.
Ekolojîst Huseyîn Çaglar diyar kir ku li ber robaran valakirina kavilên herêma erdhejê dê bibe cihê xetereyeke mezin û got: "Li gel pirsgirêk û mexdûriyetên ji ber erdhejê çêbûne, dê qirkirineke mezin a xwezayê jî rû bide."
Platforma Ked û Demokrasiyê ya Dêrsimê di bin navê “nêçîrê” de kuştina sewalên kûvî protesto kir û got: “Em hemû bi hev re jiyana jiyana zindiyan biparêzin û wan bidin jiyandin.”
Pispor û hawîrdorparêzên ku tev li çalakiya Wan ÇEV-DER’ê ya bi minasebeta “Roja Qadên Avî ya Cîhanê” li dar xistî bûn, xwestin ku qadên avî yên li peravên Gola Wanê bên parastin.
Serokê Wan Çev-Derê Alî Kalçik, îsal nehatina berfê wekî "karesatê" nirxand û bal kişand ser hişkesaliyê.
Wezareta Bajarvanî û Hawirdorê biryara erênî bo rapora ÇED’ê da ku li ser Çemê Sarimê HES bê çêkirin. Xelkê herêmê jî ji bo proje bê sekinandin serî li Şûraya Dewletê da.
Tevî ku Şûraya Dewletê cara duyemîn projeya HES’ê ya li ser Çemê Zorava betal kir jî lê tê israrkirin ku bendava duyemîn bê çêkirin. Serokê Platforma Zorava Mustafa Kurt got ew ê li dijî şirkete xwezayê û berjewendiyên gel biparêzin.