Platforma Jinan a Enqereyê beriya danişîna doza Akademisyen Ceren Damar Şenel a ji aliyê Hasan İsmail Hikmet ve hat kuştin, daxuyanî dan û gotin: "Em ji bo Ceren Damar û hemû jinên hatin kuştin edaletê dixwazin. Em dibêjin êdî bes e."
Emdama MYK’a DBP’ê Hatîce Kiye û aktîvîsta TJA’yê Gulcan Kaçmaz, xebatên xwe yên derbarê yekitiya neteweyî ya kurd de û Komxebata Yekitiya Neteweyî ya li Amedê hat lidarxistin nirxandin û gotin: “Jinên kurd wê di xebatê de rolê pêşengtiyê bigirin ser milê xwe.”
Endama Platforma Jinan a Dersimê Nadîde Yalli diyar kir ku li Dersimê hişê zilam û dewletê bûye yek û li dijî jinan şer daye destpêkirin û heke Dersim li dijî vê yekê hevpariyek topyekûn pêk neyne dê tiştek bi navê Dersimê nemîne.
Jinan bertek nîşanî nedanîna şînê ya ji bo Melîke Demîrok ku ji aliyê hevjînê xwe Gokhan Demîrok ve hatibû qetilkirin da û diyar kirin ku ne di şînê de di serhildanê de ne.
Di encamnameya Konferansa Jinan a HDP'ê de wiha hat gotin: "Ji bo pêşketina aştî û demokrasiya li Tirkiyeyê, Rêberê PKK'ê Abdullah Ocalan rolê sereke dilîze. Ji ber vê li dijî tecrîda li ser Ocalan emê tim bi biryardarî têkoşîna xwe dewam bikin."
Berdevka Meclisa Jinan a HDP'ê Dîlan Dîrayet Taşdemîr anî ziman ku di 3'emîn konferansa jinê de wan nîqaşên têr û bi hêz kirine û wiha got:"Tevî êrîşan jî jinên ku pêşengiya guhertin û serîhildanê dikin hene. Di demeke her du rastî hevdu zindî dikin de me konferans pêk anî."
Endama Platforma Jinan a Îzmîrê Prz. Gunselî Kaya, bertek nîşanî sererastkirina "efûya bi rêya zewacê" ya ji bo faîlên ku li dijî zarokan sûcên destdirêjî û îstîsmarê kirine da û diyar kir ku nîqaşa efûyê yek ji amûrên meşrûkirina modela civaka ku AKP dixwaze ava bikeye.
Tora Têkoşîna li Diji Tundiya li Ser Jinê ya Jinan a Amedê ku der barê windakirina xwendekara Zanîngeha Munzurê Gulistan Doku de lekolîn kirin rapor amade kirin. Torê diyar kir ku gelek delînên giring nehatine komkirin. Torê xwest lêpirsînê ji destê Şaxa Asayişê bigirin û bidin destê yekîneyek bê alî.
Aktîvîstên TJA û Meclîsên Jinan ên Rêxistinên HDP’ê yên Stenbol û Rihayê aqûbeta Gulîsan Dokû pirsin û xwestin demildest bê dîtin.
Jinên beşdarî 3’yemîn Konferansa Jinan a HDP’ê bûn ji bo Gulistan Dokû ya 16 roj in winda ye vê bangê kirin: “Em jin hemû bi yek dengî biçin Dersimê.”
Xwişka Şehrîban Çati ya ji aliyê Mehmet Salîh Kirmizigul ve hat kuştin Fîgen Bîlmez, diyar kir ku Kirmizigul xwişka wê tim aciz dikir û got: “Xwişka min bi awayekê plankirî hat kuştin.”
Beşdarên Konferansa 3’yemîn a Jinan a HDP’ê gotin: “Em ê rêxistinkirina xwe mezin bikin û em ê bikin ku îsal bibe sala jinan.”
Endama Navenda Mafên jina ya Baroya Amedê Parêzer Muzzeyan Nergîz, ji bo pêşnûmaya qanûnî ya efûyê ya derbarê 'destavêtina' zarokan û zewicandina bi kesê 'dest avêtiye zarokan re' got, armanc sergirtina 'destavêtinê' ye.
Piştî qeyûm tayînî Şaredariya Sûrê hat kirin, deriyê Navenda Şêwirmendiyê ya Jina ya Amîda Jînê jî hat mohrkirin. Tabelaya navendê hat daxistin û wê kirine qehwexane.
TJA û Meclisa Jinan a HDP'ê ya Şirnexê, aqûbeta Gulistan Dokû ya 14 rojên li Dersimê agahî jê nayê girtin, pirsîn.