Endama SGDF'ê Helîn Yagmur Ucî, diyar kir ku rastî gefa tacîz û tecawiza polîsan û îşkenceya polîsan hatiye û wiha got: "Patanî avêtin ser serê hevalên min ên malê û xwestin wan bifetisînin."
Meclîsa Jin a Bakur û Rojhilatê Sûriyeyê, ji bo berpirsiyarên agirbestê pêk bên bang kir û xwest korîdoreke insanî bê vekirin.
Berdevka Meclisa Jinan a HDP'ê Dîlan Dîrayet Taşdemîr, êrîşên Tirkiyeyê yên li ser Bakur û Rojhilatê Sûriyeyê şermezar kir û got: "Hikûmetê bi şer bersîv da peyama Rêberê PKK'ê Abdullah Ocalan a aştiyê. AKP li şûna Kurdan dixwaze bibe cîranê DAIŞ'ê."
Kolektîfa Greva Jinan a Swîsreyê nerazîbûn nîşanî êrîşên Tirkiyeyê yên li ser Bakur û Rojhilatê Sûriyeyê dan û bang li jinên cîhanê kir ku xwedî li Şoreşa Rojava derkevin.
Rêxistinên jinan ên Edeneyê bertek nîşanî êrîşên li dijî Bakur û Rojhilatê Sûriyeyê dan û diyar kirin ku pirsgirêk ne bi şer bi dîyalokê çareser dibe.
Jinên Rihayî bertek nîşanî êrîşên li dijî Bakur û Rojhilatê Sûriyeyê dan, diyar kirin ku ji wî aliyê sînor heya niha li dijî Tirkiyeyê tu êrîş pêk nehatine û gotin: “Armanc dikin ku gelê kurd ji cih û warê wê bikin.”
Heyeta dadgehê Hasan Aydin ê ji kuştina mamoste Şengal Karaca dihat darizandin, beraet kir.
Meclîsa Jinan a HDP'ê, binçavkirina 4 hevşaredarên li 3 bajaran şermezar kir. Meclîsa Jinan diyar kirin ku dê li dijî polîtîkayên li hemberî jinê têbikoşin û wiha gotin: "Em ê têkoşîna xwe bilind bikin. Em ê her dem bibin hevî."
Li Konakê, jina bi navê Bîrgûl Bîlal ji aliyê hevalê xwe yê zilam ê berê ve hat kuştin. Zilamê ku xwişka Bîlal jî birîndar dûre întîxar kir.
Platforma Têkoşîna Ji Bo Jinên Bi Zorê Hatin Desteserkirin, diyar kir ku DAIŞ’iyên piştî êrîşên Tirkiyeyê yên li dijî Bakur û Rojhilatê Sûriyeyê hatin berdan, talokeya qirkirina gelan bi xwe re tîn e.
Jinan diyar kir ku êrîşên Tirkiyê yên li dijî Rojava li dijî şoreşa jinên Rojava ye û gotin: “Em bang li hemû hemû jinên cîhanê dikin kul i dijî ferzkirina şer û polîtîkayên dagirkirinê li cem jinên Rojava cih bigirin.”
Jinên Îzmîrî bertek nîşanî êrîşên li dijî Bakur û Rojhilatê Sûriyeyê dan û gotin: “Em ê bi israr û înat bêjin aştî. Gelo çi karê Tirkiyeyê li Sûriyeyê heye?”
Platforma Jinan a Enqereyê bertek nîşanî şerê li dijî Bakur û Rojhilata Sûriyeyê dan û diyar kirin ku nabin perçeyê plana şer. Platforma jinan kuştina Sekretera Partiya Pêşeroja Sûriyeyê Hewrin Xelef şermezar kirin û gotin Êv sûcê şer e."
Parlamentera HDP’ê Ayşe Surucu di civîna TJA’yê de axivî û bertek nîşanî êrîşên li ser Bakur û Rojhilatê Sûriyeyê da. Surucu, da zanîn ku DAIŞ ji nû ve zindî dibe.
TJA'yê êrîşa Tirkiyeyê ya li dijî Bakur û Rojhilatê Sûriyeyê şermezar kir û got: "Ji bo ku nebin hevparê vî sûcî em bang li jin, çepgir, sosyalîst, kesên li aliyê mafên mirovan û dijberî şer in dikin ku bikin nava liv û tevgerê."