Parêzerên jin ên li Mêrsînê diyar kirin ku bi pêşnûmeya efûyê re dê kesên li dijî jinan êrîş û tundiyê dikin hatine girtin bên berdan û di kêliya bên berdan dê tundî û tehdîta li dijî jinan zêde bibin.
Jinên hiqûqnas ên li dijî sererastkirina “Mesrefa xizantiyê” ya dinava bernameya 100 roj çalakiyên Erdogan de cih digre derdikevin, diyar kirin ku mesrefa xizantiyê ne daîmiye û gotin: “Ev sererastkirin dê aboriya jinan xurt neke, berevajî jinan dê bêparastin bihêle.”
Parlamentera HDP'ê Zuleyha Gulum, bal kişand ser niqaşên debarê/nefeqeyê û guhertinên ku AKP dixwaze pêk bîne û wiha got: "Bi niqaşên heta heta dixwazin li ser debarê operasyona hişekî ava bike. Dixwazin bi van niqaşan jinê mahkûmî tundî û hevneberdanê bike."
Parlamenterên jin ên HDP’ê ji bo Parlamentera HDP’ê ya Colemêrgê Leyla Guven a girtî li bajêr xebat birêve dibin. Wekîlên jin gotin “Leyla Guven vîna gelê Colemêrgê ye. Bila demildest bê berdan.”
Nûnertiya Dev Tekstîl a Çukurova, Hêrêma Serbest a Mêrsînê ya jina karker Ş.B. dert kir û ji kar derxistin, şermezar kir. Sendîkayê, xwest fîrmeya tekstîlê RDL a lê tundî rû da, ji vê şaşiya xwe paş ve vegere.
Rojnamevanan diyar kir ku girtina rojnamevanan ne tesadufî ye û gotin: "Lê tevî hemû çewisandin û astengiyan jî, em tim bibêjên rojnamevanî ne sûc e û em ê karê xwe bikin."
KA.DER, berî hilbijartina herêmî, ji bo jinên bibin namzetên qedemeyên şaredariyan, dest bi bernameya perwerdê dike. Komele armanc dike ku di endamtaiya meclîsên şarederiyê û muxtaran de jî nûnertiya jinan zêdetir bikin.
Berdevka Meclîsa Jinan a HDP’ê Dîlan Dîrayet Taşdemîr diyar kir ku guhertina di pergala nefeqeyê de tê wateya destkeftiyên jinan ên hiqûqî tune bike û got: “Mexdûriyeta jinan bêqîmet dikin.”
Xebatkara Navenda Jinan a Sara ya Şaredariya Xalfetiyê Fatma Korkmaz, diyar kir ku piştî qeyûm tayînî şaredariyê hat hat kirin li ser navê jinê çi hebû hemû tune kir û wiha got: "Em dê di hilbijartinên rêvberiyên herêmi de hemû destkeftiyên xwe paşve bistînin. Em dê qeyûm dîsa bişînin cihê wî yê berê."
Li gorî daneyên KCDP'ê di îlonê de 45 jin ji aliyê mêran ve hatin kuştin. Prz. Sîbel Onder, bal kişand ser cînayetên jinan û diyar kir ku sedema herî mezin a zêdebûna kuştina jinan bê ceza hiştin e. Onder xwest tebîren parastinê bên girtin.
Parlamenterên jin ên HDP’î, operasyona navenda wê Amed pêk hat weke êrîşa li dijî vîna jinan nirxandin û gotin: “Em ê bi vînek bihêztir beşdarî hilbijartina herêmî bibin.”
Jin Bi Hevre Bi Hêzin, bang li hemû jinan kir ku di 28’ê Cotmehê de beşdarî Hevdîtina Stenbolê bibin. Saziya jinan bang li hemû jinan kir û got: “Ji bo gotina ‘hûn nikarin dengê tevgera jinan qût bikin’ yekitî girînge.”
Li Manîsayê rêveberên HDP’ê bi jinan re li taştê hatin gel hev.
Jinên rojnameger berter nişanî girtin û binçavkirina rojnameger û siyasetmedarên jin dan û diyar kirin ku bi girtin û binçavkirina jinan vîna jinan dikin armanc. Jinên rojnameger anîn ziman ku bi binçavkirin û girtina jinan, nikarin wan bêdeng bikin.
Tora Parastina Jinê, bi armanca polîtîkayên feminîst pêş bixe û piştevaniya jinan xurt bike cihê “Warê Xemrî" vedikin. Endama Tora Parastinê Fulya Dagli, diyar kir ku ew dê li vî warî hem bi hevre hilberînin û xwe bi hêz bikin û hem jî bi hevre têkoşînê pêş bixin."