Êrişên dewleta tirk û koma wê ya paramîlîter SMO’yê yên li dijî Bakur û Rojhilatê Sûriyeyê didomin. HSD’ê, bi daxuyaniyekê ragihand ku hêzên wan tevahiya êrişên ser Minbic û Bendava Tişrînê têk birine.
Fahriye Çukur ku keça wê Rozerîn Çukur di dema qedexeyên li Sûrê de hatibû qetilkirin, diyar kir ku tu tiştek nikare valahiya keça wê ava kirî tije bike û got ku dê doza keça xwe bişopîne.
Endamê Komîteya Mirovên Aqilmend Lamî Ozgen diyar kir ku dewlet di pêvajoya diyalogê ya yekemîn de xwe ji avêtina gavên destpêkê yên qanûnî dûr xistiye û got: "Îro jî heman pirsgirêk li pêşiya me ne."
Li Girtîgeha Hejmar 1 a Tîpa F a Kiriklar a Îzmîrê girtî di nava mehekê de cara duyemîn ji ber xurekan jehrî bûn. Parêzer Onurcan Aykut got ku girtî ji ber rewşê bifikarin.
Nivîskar Ender Îmrek anî ziman ku peyamên Abdullah Ocalan ên têkildarî "pêvajoya nû" girîng in û got: "Dê Tirkiyeyeke demokratîk bibe sedema pêvajoyeke bêtir kar, bêtir nan, bêtir hilberîn."
Bavê Leyla Şaylemez a 12 sal berê li Parîsê hat qetilkirin Abdulbarî Şaylemez diyar kir ku qatil Omer Guney di girtîgehê de hatiye qetilkirin û got: “Heta ku qetlîam eşkere nebe, Fransa li ber çavên me sûcdar e. Eger ne sûcdar be, nexwe divê kiryar bên dîtin."
Şandeya dixwaze derbasî Herêma Federe ya Kurdistanê bibe û ji Deriyê Sêmalka cenazeyê rojnamevan Nazim Daştan û Cîhan Bîlgîn werbigire, li Deriyê Sînor ê Xabûrê tê astengkirin.
10 baroyan bi daxuyaniyeke hevpar xwestin ku biryara sînorkirinê ya li ser dosyaya Rojîn Kabaîşê were rakirin û wiha gotin: “Rakirina vê biryarê dê bike ku kêmasiyên di dosyayê de bên tespîtkirin û çareseriyê hêsantir bike.”
Hevdîtina Şandeya Îmraliyê ya DEM Partiyê ya bi Serokê Giştî yê Partiya Saadetê re dest pê kir.
Hevdîtina Şandeya Îmraliyê ya DEM Partiyê û AKP’ê bi dawî bû. Serokwekîlê Koma Meclisê ya AKP’ê Abdullah Guler got: “Em ê di rojên piştre de daxuyaniyê bidin.”
Parlamentera DEM Partiyê Saliha Aydenîz di çalakiya nobetê ya li ser sînorê Nisêbîn-Qamişloyê axivî û wiha got: “Ne tenê hevdîtin, divê mercên azadiyê jî bên avakirin. Divê birêz Ocalan azad bibe ku şert û mercên aştiyê çêbibin.”
Hevşaredarê Xelfetiyê Mehmet Karayilan di çalakiya nobetê ya li ser sînorê Pirsûs-Kobanê de got ku Rojava modêla jiyana nû ye ku divê weke mînak were girtin û li dijî êrişên ser Bakur û Rojhilatê Sûriyeyê jî got: “Em ê heta dawiyê li cem Kobanê cih bigirin.”
Mûstafa Karatepe ku nexweşê penceşêrê ye û li Girtîgeha Tîpa F a Sîncan a Enqereyê dihat ragirtin, piştî 30 salan hate berdan.
Malbata Gulistan Doku ku di 5’ê Çileya 2020’ê de li Dêrsimê hatibû windakirin, bi Serdozgera Komarê ya Dêrsimê re hevdîtin kir.