Çêkirina projeya "Bendava Cizîrê" ku dê li Cizîrê li ser Çemê Dîcle bê çêkirin hat destpêkirin. Bi bendava ku ji aliyê desthilata AKP'ê ve bi salan e propagandaya wê tê kirin, wê gelek wargehên dîrokî bin avê de bimînin û her wiha bi çêkirina bendavî re dê Kurdistana Federe û Iraq bi krîzek giran a avê re rû bi rû bimînin.
Rojnamevan Engîn Yûrtsever êrişên Tirkiyeyê yên li dijî başûrê Kurdistanê nirxandin û got: “Tirkiye bi van êrişên xwe yên dawî dixwaze zemîna êrişek berfireh li dijî Garê û Qendîlê amade bike.”
Têkildarî mirina bi guman a Meryema Hasanoglû îdianame hat amadekirin. Di îdianameyê de der barê çawişê pispor ê berê Tekîn Çelîk de ji sûcê “berê wê daye mirinê” ceza hat xwestin.
Di çarçoveya lêpirsîna li hemberî saziyên ziman ên li Amedê de xwediyê Payîz Pirtûkê Cîhat Guney serbest hat berdan û 2 kesên din jî hatin binçavkirin.
Sazî û partiyên siyasî yên Wanê ji bo serdegirtina MED-DER'ê, Kooperatîfa Ankayê û Payîz Pirtûkê daxuyanî dan û şermezar kirin. Di daxuyaniyê de hat gotin ku êrîşên li ser zimanê kurdî û tecrîda li ser Ocalan bi hev re girêdayîne û xwestin mamosteyên kurdî demildest bên berdan.
Duh 13 kesên li Mêrdînê di serdagirtina malan de hatine binçavkirin, hatin berdan.
Danişîna doza Nîhat Kazanhan ku bi guleya polîsan hatibû qetilkirin, taloqî 16’ê kanûnê hate kirin.
Siyasetmedar Haci Abdullah Cav ê li sirgûnê jiyana xwe ji dest da li Depê hat veşartin.
Hejmara kesên di çarçoveya lêpirsîna li Amedê hatiye destpêkirin de hatin binçavkirin derket 29’an. Dema binçavkirinê ya binçavkiriyan 24 saetan hate dirêjkirin.
Li Îzmîrê di serdegirtinên malan de rojnamevan Lutfiye Burcu Kara jî di nav de 4 kes hatin binçavkirin.
DBP û DEM Partiyê li Cizîrê di navbera wan de dijminatî hebû lihev anîn.
Di encama êrişa hêzên rejîma Îranê de 2 kolber birîndar bûn.
Rojnamevan Ahmet Kanbal ji ber nûçeya belav kiribû, doz hatibû vekirin û der barê wî de biryara “neşopandinê” hatibû dayîn. Ji heman nûçeyê bi îdiaya “agahiya xapîner bi zelalî belav kiriye” der barê Kanbal de lêpirsînek nû hat destpêkirin.