Ji parêzerên Buroya Hiqûqê ya Asrinê Îbrahîm Bîlmez beriya civîna ku wê Komîteya Wezîran a Konseya Ewropayê "mafê hêviyê" yê Abdullah Ocalan gengeşe bike axivî, diyar kir ku divê Tirkiye demildest divêtiyên biryara DMME'yê ku di sala 2014'an de dabû, pêk bîne yan na dê fatûreya wê bargiran be.
Dozgeriyê îdianameya derheqê 10 zarokên hewldana xespkirina îradeya xelkê Wanê li Edeneyê protesto kirin îdianame amade kir. Dozgerî îdia kir ku zarok bi “fermana rêxistinê” çalakî li dar xistine û xwest bên cezakirin.
Siyasetmedaran diyar kir ku bi êrişên Tirkiyeyê yên bi hevkariya PDK’ê li dijî Herêma Kurdistana Federe, hewl tê dayîn herêm were valakirin û bang li raya giştî ya ronakbîr û demokratîk kirin ku li dijî şer dengê xwe bilind bikin.
Li Colemêrgê ji qereqola leşkerî ya li navendê, qada Mêrga Bûtanê hat bombekirin.
Rêxistina DEM Partiyê ya Rihayê serdana Nobeta Edaletê ya Emîne Şenyaşarê kir.
Li Komexaniyên Bezîrganê ya taxa Adnan Mendesa navçeya Erxeniyê ji ber têlên kevn ên ceyranê, şewat derket. Ji ber şewatê darên fêkiyan ên welatiyan zirar dîtin.
7 kesên ji bo li navçeya Xana Axparê tîmên DEDAŞ’ê protesto kirin hatibûn binçavkirin hatin berdan.
Tirkiye û hêzên paramîlîter ên girêdayî wê li Efrînê 3 welatî revandin. Her wiha çeteyên El Emşatê jî li Efrînê sedan dar birîn.
Parastvanên mafên mirovan di çalakiya “Rûniştina F'yê” de ji Îsmaîl Tuzun re azadî xwestin û banga hestiyariyê ji rayedar û cemaweriya giştî kirin.
Înîsiyatîfa ji Girtiyên Nexweş re Azadî, diyar kir ku divê astengiyên li pêş tedawiya girtiyê nexweş Omer Kaya bên rakirin û xwest Kaya bê berdan.
Dayikên Şemiyê li aqûbeta Cemîl Kirbayir pirsîn û wiha bang kirin: “Em ê xwedî li mîrateya Dayika Berfo derkevin."
Malbatên windakiriyan û parazvanên mafên mirovan bi çalakiyên ku li Amed, Êlih, Colemêrg û Îzmîrê li dar xistin re xwestin ku kesên hatine windakirin bên dîtin û faîlên wan bên cezakirin.
Hevseroka Giştî ya DEM Partiyê Tulay Hatîmogûllari ya di konferansa rêxistinkirinê ya giştî ya partiya xwe de axivî, bal kişand ser girîngiya hevkariya hêza demokratîk û wiha got: “Pêdiviya me bi hevkariyeke demokratîk a hêzê heye ku em ê bi hemû tevgerên mûxalîf re li wir li hev bicivin."
Dewleta tirk bi piştgiriya PDK’ê şandina leşker û wesayîtên zirxî ya ber bi Herêma Kurdistanê ve didomîne